მშვენიერი ნანიკო ხაზარაძე პირად ცხოვრებას ფართო საზოგადოებას არასდროს უმალავს. ტელეეთერებში ხმამაღლა სხვადასხვა პრობლემებსა და საკუთარ გამოცდილებაზე საუბრობს. 2018 წლის ნოემბერში ნანიკო მეორედ დაქორწინდა. მისი რჩეული ლევან მათითაშვილია. ლევან მათითაშვილი ცნობილი ექიმის და უკვე ტელესახის, გადაცემა „ექიმების“ წამყვანის კოტე მათითაშვილის ძმაა. ძმები ერთმანეთს ძალიან ჰგვანან. წყვილი რომანს ხუთი წელი მალავდა.
„ჩვენი ურთიერთობის შესახებ დიდი ხანი არავინ არაფერი იცოდა. გადავწყვიტე, რომ არ არის საჭირო, ყველამ ყველაფერი იცოდეს ჩემს ცხოვრებაზე. ოფიციალურად დაქორწინებულები არ ვართ, არც ხელი გვაქვს მოწერილი და არც ჯვარი დაგვიწერია. ვთვლით, რომ ასეთი რაღაცები ჩვენს ურთიერთობას არ სჭირდება. ჩვენს ურთიერთობას ხელის მოწერა არც არაფერს შეჰმატებს და არც არაფერს დააკლებს. ასეც ძალიან ბედნიერად ვცხოვრობთ“, – ამბობს ნანიკო ჟურნალ „სარკესთან“ ინტერვიუში.
ნანიკოსთვის ეს მეორე ქორწინებაა. პირველი მეუღლისგან მას ქალიშვილი – ლილუ ჰყავს. მისი პირველი მეუღლე ლევან ნუცუბიძეა, რომელთანაც ნანიკო პირველად გამოჩნდა სტეფანესა და მაოს კლიპში „ხელები“. სოციალურ ქსელში ლევან მათითაშვილის ვიდეო გახდა პოპულარული, სადაც ის სიგარეტს პირბადით ეწევა.
