თბილისი, 19 თებერვალი — Sputnik. საქართველოს საავტომობილო ფედერაციის ვიცე-პრეზიდენტი, ტიტულოვანი ქართველი ავტომბროლელი მევლუდ მელაძე სოციალურ ქსელში აქვეყნებს სტატუსს, სადაც წერს იმის შესახებ, თუ როგორ შეიქმნა მისი ოჯახის წევრის, ავტოავარიაში გარდაცვლილი 15 წლის ნიკუშა ჯორჯაძის სახელზე ახალგაზრდული ბრენდი.
„ნიკუშას დაღუპვის შემდეგ გამუდმებით მხოლოდ ერთი რამე მეფიქრებოდა – როგორ უნდა იცხოვროს დედამ, რომელმაც 15 წლის შვილი დაკარგა? არ ვიცი ვისთვის რა არის სიძლიერე, მაგრამ ჩემი აზრით ადამიანი ძლიერი მაშინ ხარ, როცა იპოვი გზას, რომლითაც შვილზე მზრუნველობას და მის რაღაცა ფორმით ფიზიკურ ყოფას გააგრძელებ“, – წერს მევლუდ მელაძე.
ნიკა ჯორჯაძე თბილისში 2019 წლის აპრილში მომხდარი ტრაგიკული ავტოსაგზაო შემთხვევის დროს დაიღუპა. ის იმ იმ ავტომანქანაში იჯდა, რომლითაც 4 ახალგაზრდა მაღალი სისწრაფით ხეს შეასკდა. ნიკა ჯორჯაძე „აგროჰაბის“ მარკეტინგის მენეჯერის სალომე გველესიანის და საქართველოს საავტომობილო ფედერაციის ვიცე-პრეზიდენტის მევლუდ მელაძის შვილი იყო.