18:21 26 თებერვალი 2020
პირდაპირი ეთერი
  • EUR3.0291
  • 100 RUB4.2607
  • USD2.7946
საზოგადოება
მოკლე ბმულის მიღება
სელებრითების ცხოვრება (1343)
2555 0 0

მხიარულ რუსკა მაყაშვილს ოჯახის წევრებიც განსაკუთრებულად მხიარული ჰყავს. რუსკა ხშირად აქვეყნებს ვაჟის სახალისო ვიდეოებს. ნახეთ, როგორ ასწავლის თხილამურებზე დგომას პატარა ილიას მისი ცნობილი მორაგბე მამა.

ყველასათვის ცნობილი რუსკა მაყაშვილი ერთი ვაჟის – პატარა ილიას დედაა. მას დაოჯახებისკენ ბევრი ადამიანი უბიძგებდა, მაგრამ რუსკა არ ჩქარობდა. სიყვარულს კი დიდი ხნის მანძილზე საზოგადოებას უმალავდა. ქართულ ტელესივრცეში ერთ-ერთი ყველაზე პოზიტიური, მხიარული, მუდამ მომღიმარი რუსკა მაყაშვილის ცხოვრების უკან დრამატული ისტორია იმალება. ამის შესახებ საზოგადოებამ რამდენიმე წლის წინ შეიტყო.

რუსკამ ერთ-ერთ რეიტინგულ გადაცემაში გულახდილად ისაუბრა და აღნიშნა, რომ მამამ მასზე და მის დაზე ნინუცა მაყაშვილზე ბავშვობაში უარი თქვა. მიუხედავად ამისა, დებს ადამიანების სიყვარული და ნდობა არ დაუკარგავთ. ახლა გოგონები ბედნიერი დედები და წარმატებული ქალბატონები არიან. ამას რუსკას სოციალური ქსელის ვიდეოებიც ამტკიცებს. გადატვირთული გრაფიკის მიუხედავად, პოპულარული მსახიობი და ყველასათვის საყვარელი წამყვანი დედობრივი მოვალეობების შესრულებას მაინც ახერხებს. პატარა ილია ხასიათით დედას ემსგავსება. პატარა ბიჭუნას გარშემო მუდამ ჟრიამულია. ბაღში გადაღებული ვიდეოები ამას კიდევ ერთხელ ამტკიცებს. რუსკა კი ვაჟის მხიალურ ვიდეოებს ინტენსიურად აქვეყნებს. ამჯერად რუსკამ სახალისო ვიდეო ბაკურიანიდან გამოაქვეყნა, სადაც პატარას სრიალში მამა ეხმარება.

პოზიტიურმა და ყველასათვის საყვარელმა რუსკამ არც ისე დიდი ხანია, რაც თბილი ოჯახი შექმნა. მათი წყვილი ბევრისთვის სამაგალითო გახდა. მსახიობი რუსკა მაყაშვილი და მორაგბე სანდრო ნიჟარაძე მშობლები 2017 წელს გახდნენ. მათ ვაჟი ეყოლათ და ბავშვს ილია დაარქვეს. პატარა ილია ორი წლის არის. დაბადების დღე 10 ოქტომბერს აქვს. რუსკა მაყაშვილი და მორაგბე სანდრო ნიჟარაძე ერთმანეთს ორი წელი ხვდებოდნენ. ჯერ კიდევ 2013 წლის ზაფხულში დადიოდა ხმები მათი შესაძლო სასიყვარულო რომანის შესახებ. ჭორები კი ბათუმიდან გავრცელდა, სადაც რუსკა და სანდრო ერთად ისვენებდნენ.

თემები:
სელებრითების ცხოვრება (1343)

მთავარი თემები