15:07 11 ივლისი 2020
პირდაპირი ეთერი
  • EUR3.4593
  • 100 RUB4.3016
  • USD3.0624
საზოგადოება
მოკლე ბმულის მიღება
საქართველოს საგარეო პოლიტიკა (230)
56 0 0

თურქეთის აღმოსავლეთით, ვანის პროვინციაში ორი ზვავის ჩამოწოლის შედეგად დაღუპულთა რიცხვი 38-მდე გაიზარდა.

თბილისი, 6 თებერვალი — Sputnik. საქართველოს საგარეო საქმეთა სამინისტრო თურქეთში ზვავის შედეგად დაღუპულთა ოჯახებს სამძიმარს უცხადებს, ნათქვამია უწყების მიერ სოციალურ ქსელ „ტვიტერში" გავრცელებულ განცხადებაში.

თურქეთის აღმოსავლეთით, ვანის პროვინციაში, ბახჩესარაის რაიონში ზვავი ოთხშაბათს ჩამოწვა. ბოლო მონაცემებით, დაიღუპა 38 და დაშავდა 53 ადამიანი.

„უდიდეს მწუხარებას გამოვხატავთ აღმოსავლეთ თურქეთში ზვავის ჩამოწოლის შესახებ ინფორმაციის გამო. გვსურს გულწრფელი სამძიმარი, სოლიდარობა და თანაგრძნობა გამოვუცხადოთ ზვავის შედეგად გარდაცვლილთა ოჯახებს", – ნათქვამია სამძიმრის წერილში.

ზვავმა ოთხშაბათს, დღისით სამი მიკროავტობუსი დაფარა, ზვავის განმეორებისას კი თოვლის საფარქვეშ მაშველებიც აღმოჩნდნენ, რომლებიც სტიქიის ზონაში დაკარგულთა სამძებრო ოპერაციას ასრულებდნენ. ადგილობრივი მაშველების დასახმარებლად შემთხვევის ადგილზე ანკარიდან სპეციალური აღჭურვილობით სამხედრო თვითმფრინავი ჩაფრინდა, რომლის ბორტზეც იმყოფებოდა ჯანდარმერიის სპეცდანიშნულების რაზმის 75 და სამაშველო სამსახურების 10 თანამშრომელი.

 

თემები:
საქართველოს საგარეო პოლიტიკა (230)

მთავარი თემები