11:15 25 თებერვალი 2020
პირდაპირი ეთერი
  • EUR3.0370
  • 100 RUB4.2987
  • USD2.8079
საზოგადოება
მოკლე ბმულის მიღება
სელებრითების ცხოვრება (1333)
2716 0 0

„რუსთავი 2“-ის საინფორმაციო სამსახურს ნინო შუბლაძე არხის ხელმძღვანელობის შეცვლის შემდეგ უძღვება. ნინო შუბლაძე 2000-იანი წლების დასაწყისიდან ტელეკომპანია „რუსთავი 2“-ზე მუშაობდა – ჯერ კორესპონდენტად, შემდეგ კი საინფორმაციო სამსახურის უფროსად.

თბილისი, 27 იანვარი — Sputnik. ტელეკომპანია „რუსთავი 2“-ის საინფორმაციო სამსახურის უფროსმა ნინო შუბლაძემ მოულოდნელად ინფარქტი გადაიტანა. ინფორმაციას სოციალურ ქსელში მისი და სოფო შუბლაძე ავრცელებს.

ნინო შუბლაძის და „ფეისბუქზე“ წერს, რომ დროული სამედიცინო ჩარევით ყველაფერმა გართულებების გარეშე ჩაიარა, თუმცა ნინოს სტენტირება მაინც დასჭირდა.

„ყველაფერი გაივლის, ესეც ჩაივლის-მეთქი, მაგრამ არ გადის უკვალოდ არც ერთი სტრესი... ჰოდა, დღეს ხელმეორედ დაბადებას გილოცავ. მადლობა ღმერთს, რომ ყველაფერი დროულად მოვასწარით“, – წერს სოფო შუბლაძე.

ნინო შუბლაძე ტელეკომპანია „რუსთავი 2“-ის საინფორმაციო სამსახურს ზაფხულიდან ხელმძღვანელობს. ნინო შუბლაძე 2000-იანი წლების დასაწყისიდან ტელეკომპანია „რუსთავი 2“-ზე მუშაობდა – ჯერ კორესპონდენტად, შემდეგ კი საინფორმაციო სამსახურის უფროსად და არხის გენდირექტორის მოადგილედ. ამავე არხზე მას მიჰყავდა პოლიტიკური თოქ-შოუ „პოზიცია“. „რუსთავი 2“ მან 2014 წლის ზაფხულში დატოვა და მალევე მუშაობა საქართველოს ჯანდაცვის მინისტრის მრჩევლად (საზოგადოებასთან ურთიერთობის მიმართულებით) დაიწყო.

ბოლოს, 2019 წლის გაზაფხულამდე ჟურნალისტი პარტია „ქართული ოცნების“ საზოგადოებასთან ურთიერთობის სამსახურში მუშაობდა. 

ტელეკომპანია „რუსთავი 2“-ის 100%-იანი წილის მფლობელმა ბიზნესმენმა ქიბარ ხალვაშმა 18 ივლისს არხის გენერალურ დირექტორად პაატა სალია დანიშნა, რომელმაც ამ პოზიციაზე ნიკა გვარამია შეცვალა. 17 აგვისტოს ცნობილი გახდა, რომ ნიკა გვარამიამ ახალი არხი დააფუძნა.

თემები:
სელებრითების ცხოვრება (1333)

მთავარი თემები