თბილისი, 27 იანვარი — Sputnik. პირი, რომელმაც „ლოტო 6/42“-ში ჯეკპოტი მოიგო, 39 წლის გიორგი კვაჭაძეა, რომელიც ბათუმში, თამარის დასახლებაში, ე.წ. „იმედის ქალაქში“ ცხოვრობს. ინფორმაციას „პრაიმტაიმი“ ავრცელებს.
გამარჯვებული გამოცემასთან ჰყვება, რომ ლატარიას თითქმის ყოველ კვირას თამაშობს, მოგებული ჯეკპოტის შესახებ კი სალაროსთან გაიგო, რადგან ეგონა, რომ მხოლოდ 4 რიცხვი დაემთხვა. გიორგი ამბობს, რომ თავი სიზმარში ჰგონია, მას შემდეგ არ სძინავს და ხუთი კილო დაიკლო. მოგებულ თანხას ოჯახს მოახმარს, თანხას შვილების განათლებაში ჩადებს და მე-8 და მე-9 კლასის მოსწავლეებს ახალ ტელეფონებსაც უყიდის.
კომპანია „საქართველოს ეროვნული ლატარია“ რამდენიმე დღე ეძებდა ადამიანს, რომელმაც მოიგო „ლოტო 6/42“ ლატარიის მილიონიანი ჯეკპოტი.
21 იანვრის 193-ე გათამაშებაში გამარჯვებულმა 1 182 454 ლარი მოიგო.
