მომღერალმა ზურა ხაჩიძემ მეუღლის ავადმყოფობის შესახებ ინფორმაცია რამდენიმე თვის წინ გაავრცელა. ამჯერად ის ფოტოს თვითმფრინავიდან აქვეყნებს. ხათუნა, რომელიც სამკურნალოდ საზღვარგარეთ ძირითადად ქალიშვილთან ნინი ქარსელაძესთან ერთად მიდის ხოლმე, ამჯერად მეუღლესთან ერთად მიფრინავს. რამდენიმე თვეა ზურასა და ხათუნას ოჯახის მიმართ ყურადღება არ ნელდება. ზურა ხაჩიძემ საკუთარ Instagram-ზე მეუღლის ფოტო გამოაქვეყნა, რომელზეც ხათუნა ჟორდანია გადასხმას იკეთებდა.
გაირკვა, რომ ცნობილი ოჯახის პოპულარული წევრი მძიმე სენს ებრძვის. მასმედიაში გავრცელებული ინფორმაციით, ხათუნა ჟორდანიას ფილტვის სიმსივნე დაუდგინეს. მათ ამის შესახებ თვეების წინ გაიგეს, როდესაც ხათუნამ ექიმს ხველების გამო მიაკითხა. კონსულტაციის შემდეგ მომღერლის მეუღლეს ორი ქიმიოთერაპია ჩაუტარდა. ამას ზურა ხაჩიძე სხვადასხვა ოფიციალურ წყაროებთან ადასტურებს.
მართალია, ვიდეოებსა და ფოტოებზე ზურა ხაჩიძემ საყვარელი მეუღლე არ გადაიღო, მაგრამ ერთ-ერთ ფოტოზე მეუღლე მონიშნა. ოჯახის განსაცდელის გარშემო უამრავი კეთილი ადამიანი გაერთიანდა, რომლებმაც ოჯახის ტკივილი და ხათუნას ავადმყოფობა გულთან ახლოს მიიტანეს და ზურასთან ერთად ლოცულობენ. აღსანიშნავია, რომ ხათუნა და ზურა ქართულ ტელესივრცეში ერთ-ერთი გამორჩეული და ეპატაჟური წყვილია.
