11:51 25 მაისი 2020
პირდაპირი ეთერი
  • EUR3.4795
  • 100 RUB4.4459
  • USD3.1916
საზოგადოება
მოკლე ბმულის მიღება
გარემოს დაცვა და ეკოლოგია (107)
291 0 0

ზურაბ გურიელიძის განცხადებით, ახალ ინიციატივას დამთვალიერებლები უკვე შეუერთდნენ და სახლიდან ჩიჩილაკები ზოოპარკში მიიტანეს.

თბილისი, 18 იანვარი - Sputnik. ჩიჩილაკების დაწვის ან განადგურების ნაცვლად თბილისის ზოოპარკი დამთვალიერებელს ახალ ინიციატივას სთავაზობს, რის მიხედვითაც გამოუსადეგარი ჩიჩილაკები, შესაძლოა, ცხოველების საკვებად ან გასართობად გამოიყენონ.

„ნაახალწლარ ჩიჩილაკებს თუ არ გადაყრით და ჩვენ მოგვიტანთ, ძალიან გაგვახარებთ. ჩვენზე მეტად კი - ჩვენს ბინადრებს. ზოოპარკის ყოჩაღი მომვლელები ათასგვარ დანიშნულებას მოუფიქრებენ - სათამაშოებს დაამზადებენ, ზედ ახუნძლავენ რამეებს და ისე შეუტანენ ცხოველებს, გირლიანდებს დაწნავენ“, - ნათქვამია ზოოპარკის ადმინისტრაციის მიერ გავრცელებულ განცხადებაში.

ახალ ინიციატივას დამთვალიერებლები უკვე შეუერთდნენ და სახლიდან ჩიჩილაკები ზოოპარკში მიიტანეს.

„მოიტანეს უამრავი ჩიჩილაკი, რომელსაც ცხოველთა გარემოს გამდიდრებისათვის გამოვიყენებთ. ეს ნიშნავს იმას, რომ ცხოველებს მივცემთ საშუალებას მეტი კვლევითი აქტივობა აწარმოონ," - განაცხადა   თბილისის ზოოპარკის დირექტორმა ზურაბ გურიელიძემ.

 

თემები:
გარემოს დაცვა და ეკოლოგია (107)

მთავარი თემები