თბილისი, 13 ნოემბერი — Sputnik. ჰოლივუდური ბლოკბასტერის, „ფორსაჟის" რეჟისორი ჯასტინ ლინი მადლობას უხდის ქალაქებს, რომლებშიც ფილმის გადაღებები მიმდინარეობდა, მათ შორის, საქართველოს დედაქალაქ თბილისს.
„ფორსაჟი 9−ს“ გადაღებები, რომლის პრემიერაც 2020 წლისთვის იგეგმება, დასრულდა.
რეჟისორის ტვიტერ−აკაუნტზე ნათქვამია:
„ეს სერიის ყველაზე ამბიციური ფილმია და მე უსაზღვროდ მადლიერი ვარ ჩვენი საოცარი გუნდისა ლონდონიდან, ედინბურგიდან, თბილისიდან (საქართველო), ფხუკეტიდან, კრაბიდან (ტაილანდი) და ლოს−ანჯელესიდან“.
It’s an official #F9 Wrap! This is by far the most ambitious film of the series and I am forever grateful to our amazing crew from London, Edinburgh, Tbilisi (Georgia), Phuket & Krabi (Thailand), and Los Angeles. pic.twitter.com/ggFGxwHuz7
— Justin Lin (@justinlin) November 11, 2019
საქართველოში „ფორსაჟი 9"-ის ეპიზოდების გადაღება 19 აგვისტოდან დაიწყო. კინომწარმოებელი კომპანია Universal-ი ხუთწუთიან ეპიზოდებს იღებდა ძველ თბილისში, რუსთაველისა და ვაჟა-ფშაველას გამზირებზე, ასევე რუსთავში. გადაღებები საქართველოს ეკონომიკისა და მდგრადი განვითარების სამინისტროს პროექტის „გადაიღე საქართველოში" ფარგლებში განხორციელდა.
