17:58 23 აპრილი 2021
პირდაპირი ეთერი
  • EUR4.1530
  • 100 RUB4.5220
  • USD3.4462
საზოგადოება
მოკლე ბმულის მიღება
სელებრითების ცხოვრება (2816)
36639 0 0

დაახლოებით ოთხი წლის წინ თინა ნიუ-იორკში სარეჟისორო სკოლაში ჩაირიცხა. მისი სწავლების სამწლიანი საფასური (წელიწადში 55 000$) „განათლების საერთაშორისო ცენტრმა” სახელმწიფო ბიუჯეტიდან გადაიხადა.

მას შემდეგ, რაც სკანდალური მსახიობი თინა მახარაძე ხუთწლიანი ურთიერთობის შემდეგ გიორგი სამხარაძეს დაშორდა, 2015 წელს საზოგადოებამ მისი და დიმუ მენაბდის სიყვარულის შესახებ მალევე შეიწყო სოციალური ქსელიდან, სადაც ისინი ურთიერთობას არ მალავდნენ და ხშირად აქვეყნებდნენ ერთობლივ ფოტოებს. ეპატაჟურ მსახიობს არც შიშველი ფოტოების ნაკლებობით მიუცია საზოგადოებისთვის მოწყენის უფლება.

დაახლოებით ოთხი წლის წინ თინა ნიუ-იორკში სარეჟისორო სკოლაში ჩაირიცხა. მისი სწავლების სამწლიანი საფასური (წელიწადში 55 000$) „განათლების საერთაშორისო ცენტრმა” სახელმწიფო ბიუჯეტიდან გადაიხადა. როგორც თავად მსახიობი აცხადებდა, “განათლების საერთაშორისო ცენტრში” რეკომენდაცია რამდენიმე ადამიანმა გაუწია, მათ შორის ნიკა რურუამ.

გასული წლის ზაფხულიდან მოყოლებული თინას, სავარაუდოდ, ახალი შეყვარებული ჰყავს. სოციალურ ქსელში მასთან ერთად გადაღებული ფოტოები უდევს, მათ შორის ქავერად. გაი ვერნიკს საცხოვრებელ ადგილად ნიუ-იორკი აქვს მითითებული. თინამ და გაიმ ერთმანეთი სარეჟისორო სკოლაში გაიცნეს. ერთად გადაღებულ არაერთ პიკანტურ ფოტოზე ქართველი მსახიობი გულების სიმბოლოებს დაუშურვებლად ტოვებს.

რაც შეეხება დიმუს, მასთან დაშორებაზე მსახიობს კომენტარი არ გაუკეთებია. აღმოჩნდა, რომ წყვილი ერთი წლის წინ დაშორდა და, როგორც დიმუ „მასტერ-შეფში“ მონაწილეობის შემდეგ „რეიტინგთან“ ინტერვიუში აცხადებს, მისი და თინას დაშორების მიზეზი მისი ყოფილი ცოლი გახდა.

„ჩემმა ყოფილმა ცოლმა იდიოტობები გააკეთა და აქედან დაიწყო ყველაფერი. მოიტყუა, ილაპარაკა ის, რაც არ ყოფილა და ამას მოჰყვა კონფლიქტები. სამი წელი თავისი ცხოვრებით ცხოვრობდა, არანაირი შეხება არ გვქონია, მაგრამ მოულოდნელად გამოჩნდა ჩემს ცხოვრებაში. ახლა ჩემი ძმაკაცის ცოლია და გამარჯობასაც არ ვეუბნები“, – ამბობს დიმუ.

დიმუ მენაბდის ყოფილი ცოლი ნინია შერპაა, რომელიც ამჟამად გიორგი შანიძეზეა გათხოვილი.

თემები:
სელებრითების ცხოვრება (2816)

მთავარი თემები