თბილისი, 28 ოქტომბერი — Sputnik. საქართველოში პატიმრებს მაგისტრატურაში დისტანციურად სწავლის უფლება ექნებათ – შესაბამისი კანონპროექტი ქვეყნის პარლამენტში წარადგინეს.
შესწორებები ინიცირებულია დეპუტატების მარიამ ჯაშის, სოფიო კილაძისა და თამარ ხულორდავას მიერ მას შემდეგ, რაც განათლების საპარლამენტო კომიტეტში რუსთავის №16 საპატიმროდან ერთ-ერთი მსჯავრდებულის წერილი შევიდა. პატიმარმა მისაღები გამოცდები წარმატებით ჩააბარა, მაგრამ სწავლის დაწყებას კანონმდებლობის გამო ვერ ახერხებს.
ამჟამინდელი კანონმდებლობა საშუალებას იძლევა, ადამიანმა დისტანციურად მიიღოს სასკოლო, პროფესიული განათლება, ასევე ისწავლოს ბაკალავრიატში, მაგრამ არა მაგისტრატურაში.
