Праздничное оформление - Sputnik საქართველო
ყვითელი ამბები
სელებრითების ცხოვრება საზოგადოების საყვარელი თემაა. ქართველი და უცხოელი ცნობადი სახეების ცხოვრება, სასიყვარულო ისტორიები, ჩაცმის სტილი მუდმივი განხილვის საგანია. სელებრითების შესახებ ახალ ამბებს გაეცანით Sputnik საქართველოს ვებგვერდზე

ანუკი არეშიძის და კახა კალაძის უიკენდი ლოპოტაზე – ფოტოები

© Facebook / Kakha Kaladzeკახა კალაძე ანუკი არეშიძე
კახა კალაძე ანუკი არეშიძე - Sputnik საქართველო
გამოწერა
ანუკი არეშიძე თბილისის მერსა და ყოფილ ფეხბურთელ კახა კალაძეზეა დაქორწინებული. ოჯახი წყნეთში ოთხ ვაჟთან ერთად ცხოვრობს.

თბილისის ულტრამოდური მერის კახა კალაძის ცოლი გამორჩეულია სილამაზითა და დახვეწილობით. ოთხი შვილის მშობლები ბევრს მოგზაურობენ. ანუკის ოფიციალური გვერდი საინტერესო ფოტო-ვიდეოებითაა სავსე. საკმარისია მის გვერდზე შეხვიდეთ, სახასიათო სურათები ძალიან დაგაინტერესებთ და აღმოაჩენთ, რომ ანუკი არა მხოლოდ სტილით გამოირჩევა, არამედ მიკრობლოგის საინტერესო კუთხით წარმოჩენას ცდილობს.

მუდამ ელეგანტური, ტრენდული და რეტრო სტილი ანუკის განუყოფელი ნაწილია. ყოფილი მოდელი ნებისმიერი ზომისა თუ ფერის სამოსს თანაბრად იხდენს. მას უამრავი მიმდევარი ჰყავს როგორც სოციალურ ქსელში, ასევე რეალურ ცხოვრებაში. ანუკის ბრენდი თბილისსა და მაღალი მოდის ქალაქებში ძალიან პოპულარულია. გარდა კაბებისა, დიზაინერმა აქსესუარების შექმნა დაიწყო.

ცოტა ხნის წინ პარიზისა და მილანის მოდის კვირეულიდან გამოქვეყნებულმა ფოტოებმა გარკვეული გაუგებრობა გამოიწვია. ანუკი იზაბელ მარანტის კაბაში პოზირებდა, „ფოლოუერებს“ კი ის მეხუთე ბავშვზე ფეხმძიმედ ეგონათ, რაც დიზაინერმა მალევე უარყო.

შაბათ-კვირა კალაძეების ოჯახმა კახეთში, ლოპოტის ტბაზე გაატარა. როგორც ჩანს, წყვილმა არაჩვეულებრივი დრო გაატარა და ფაქტის ამსახველი ფოტოები Instagram-ზე გამოაქვეყნეს.

ანუკი არეშიძისა და კახა კალაძის ოჯახი წყნეთში ცხოვრობს. გასული წლის სექტემბერში წყვილს ვაჟი – ნიკოლა შეეძინა. ის წყვილისთვის მეოთხე ვაჟია.

პირველი სამი ვაჟი ანუკი არეშიძემ იტალიაში, მილანში გააჩინა. უფროსი შვილი ლევან კალაძე 12 წლისაა, მეორე – კახაბერ კალაძე – 7 წლის, ვაჩე კალაძე კი – 5-ის.

ყველა ახალი ამბავი
0