Праздничное оформление - Sputnik საქართველო
ყვითელი ამბები
სელებრითების ცხოვრება საზოგადოების საყვარელი თემაა. ქართველი და უცხოელი ცნობადი სახეების ცხოვრება, სასიყვარულო ისტორიები, ჩაცმის სტილი მუდმივი განხილვის საგანია. სელებრითების შესახებ ახალ ამბებს გაეცანით Sputnik საქართველოს ვებგვერდზე

„მსოფლიოში ერთადერთი ლამაზი გოგო!“ – სალომე ჭაჭუა ლიბანიდან ცეცხლოვან ფოტოებს აქვეყნებს

© Facebook / Salome Chachuaსალომე ჭაჭუა
სალომე ჭაჭუა - Sputnik საქართველო
გამოწერა
ყველასათვის ცნობილი ქორეოგრაფი და პროექტ „ცეკვავენ ვარსკვლავების“ შეუდარებელი მოცეკავავე თავად გახდა ვარსკვლავი. სალომე ჭაჭუას „მეტყველი ილეთების“  შესრულებით ბევრი ადამიანი ცრემლამდე მიუყვანია. სექსუალური ქორეოგრაფი საკუთარ სკოლას ხელმძღვანელობს.

სალომე ჭაჭუა პოპულარობას მაშინაც არ კარგავს, როდესაც პროექტი „ცეკვავენ ვარსკვლავები“ სრულდება. ყოველ ახალ სეზონზე მოცეკვავე მეტად იხვეწება და არასდროს ჩერდება. მისი მოქნილი პლასტიკა და სექსუალური აღნაგობა უამრავი მამაკაცის მოწონებას იმსახურებს, მიუხედავად ამისა, სალომე ისევ მარტოა. თუმცა, რამდენჯერმე პირადი ცხოვრების აწყობას უშედეგოდ შეეცადა.

აღსანიშნავია, რომ იურისტების ოჯახში გაიზარდა. მისმა შემოქმედებითმა უნარმა და ხელოვნებისადმი სიყვარულმა ყველა წინააღმდეგობას გაუძლო და საქართველოში სამეჯლისო ცეკვების დედოფლად იქცა. პროფესიიდან გამომდინარე, სცენაზე მუდამ გამომწვევად აცვია. სცენის მიღმა კლასიკურ სტილს, საღამოს კაბებსა თუ სპორტულ ტანისამოსს ერთნაირი წარმატებით ირგებს. მოცეკვავე დროებით დასავლეთ აზიას, კერძოდ, ლიბანს ესტუმრა. თუმცა, როგორც ჩანს, ეს დროებითი სტუმრობაც არ არის. სალომე ჭაჭუა კარიერის გაგრძელებას ცხელ ქვეყანაში აპირებს. ამ ეტაპზე უცნობია, იცეკვებს თუ არა ემოციური მოცეკვავე „ცეკვავენ ვარსკვლავების“ ახალ სეზონში.

სალომე ჭაჭუას თითოეულ ფოტოს უამრავი კომენტარი აქვს. თაყვანისმცემლები, მისი მოსწავლეები და არა მხოლოდ ისინი ქორეოგრაფს თბილი სიტყვებით ავსებენ. მათ შორის ცნობილი ქართველებიც გამოირჩევიან. „საუკეთესოთა შორის საუკეთესო ხარ“; „უმშვენიერესი... ელეგანტურობის განსახიერება!“; „ულამაზესი ხარ და უზომოდ მიყვარხარ!“ – ეხმაურებიან სალომეს.

ყველა ახალი ამბავი
0