ნინი ბადურაშვილი, თაყვანისმცემლების დიდი მოლოდინის შემდეგ, 2012 წელს დაოჯახდა. მისი რჩეული ბიზნესმენი ირაკლი კუტალაძე გახდა. ამ ქორწინებიდან ნინის ქალიშვილი ელენე ჰყავს. მომღერალმა სოციალურ ქსელში ახალი ფოტო გამოაქვეყნა. ნინი და მისი ქალიშვილი ოჯახურ ვითარებაში ყვავილების ფონზე ერთმანეთს ეხუტებიან. უთბილესმა ფოტომ სულ ერთ საათში 2000-მდე მოწონება მიიღო. აღსანიშნავია, რომ ნინი საზოგადოების წინაშე პატარა გოგონასთან ერთად არც ისე ხშირად ჩნდება. ნინი და მისი ოჯახის წევრები კი აქტუალობას წლებია არ კარგავენ.
ელენე უკვე 6 წლისაა. ბადურაშვილების ოჯახმა გოგონა სკოლაში მიიყვანა. საკმარისია პოპულარულმა მომღერალმა შვილის ახალი ფოტოები გამოაქვეყნოს და ელენეს განხილვა არ წყდება. სკოლის მოსწავლე და პოპულარული დედის შვილი, როგორც ჩანს, სწავლისთვის მოწადინებულია. ამის შესახებ „იმედის დილის“ ერთ-ერთ გადაცემაში მომღერალმა თავად ისაუბრა და აღნიშნა, რომ ელენეს სწავლა არ უჭირს.
ნინის მიერ გამოქვეყნებული ვიდეოებიდან ირკვევა, რომ მასში დედის გენეტიკა დომინირებს მიუხედავად იმისა, რომ გოგონას მამას ამსგავსებენ. ეკა კახიანი ვოკალში ამეცადინებს და პატარა ელენე მაღალ ტონალობაზე დედასავით მარტივად გადადის. ელენე, თავის მხრივ, მონდომებით მღერის როგორც ქართულ, ასევე ინგლისურენოვან სიმღერებს. ალბათ ბიზნესმენის ქალიშვილი მომავალი მსახიობი ან მომღერალი გახდება.
