მსახიობმა და მოდელმა შორენა ბეგაშვილმა ტელეკომპანია „რუსთავი 2“-ის ამიკო ჩოხარაძის გადაცემაში „გვიანი SHOW“ იმაზე ისაუბრა, თუ რა რეაქცია აქვს ხალხს მისი დანახვისას ქუჩაში.
ბეგაშვილის თქმით განსაკუთრებული რეაქცია ქალებს აქვთ, მითუმეტეს მაშინ, როდესაც ზებრაზე უწევს ავტომანქანით გაჩერება და მათთვის გზის დათმობა.
„ერთხელ ზებრაზე ბიჭი და გოგო გადადიოდნენ. ამ ბიჭმა მართლა მანქანას შემოხედა და ამ დროს გოგომ ისეთი უთაქა რომ დაინახა რომ მე მიყურებდა, მე და ევა სიცილით ვკვდებოდით. ამას წინათ კიდევ, ერთი ქალი მთელი ზებრაზე გადასვლის განმავლობაში მლანძღავდა, არ მატარებო მეჩხუბებოდა, ჩავუწიე მანქანას ფანჯარა და მივაძახე - გატარებ ყ...ე ქალა მეტი რა გინდამეთქი და უი უზრდელიც ყოფილაო და გააგრძელა ასე“, - აცხადებს მოდელი.
„რუსთავი 2“-ზე რამდენიმე დღის წინ ახალი სეზონი დაიწყო. ეთერში ძველ გადაცემებთან ერთად ახალი გადაცემების გაშვებაც იგეგმება. „რუსთავი 2“-ზე დაბრუნდა შორენა ბეგაშვილი. „გვიანი შოუს“ „ფეისბუქის“ ოფიციალურ გვერდზე პრომოს ვიდეო ვრცელდება. შორენა ბეგაშვილი „რუსთავი 2“-ზე ახალ გადაცემას წაიყვანს, სადაც სილამაზესა და თავის მოვლაზე იქნება აქცენტი.
ყველაზე სექსუალურ ქართველ ქალად აღიარებული მსახიობი გადაცემის ერთ-ერთ ეპიზოდში შილიფად ჩაცმული, წელზემოთ შიშველ მამაკაცებთან ერთად გამოჩნდება.
