ცნობილი ტელეწამყვანი ნაყოფიერი და გადატვირთული დღეების მიუხედავად ცოლ-შვილთან დროის გატარებას მუდამ ახერხებს. როგორც თავად აღნიშნავს, მას სახლში დაბრუნება და თუნდაც 10 წუთით დასვენება მთელი დღის ენერგიას უნაზღაურებს. წულუკიძეების ოჯახში მუდამ ჟრიამულია. ნიკას თავგადასავლებს ყველა დიდი ყურადღებით უსმენს. ამჯერად მხიარულმა ჟურნალისტმა ოჯახთან ერთად საირმეში იმოგზაურა. ულამაზესი ბუნების ფონზე გადაღებული ფოტოები სოციალურ ქსელში გამოაქვეყნა.
ნიკოლოზ წულუკიძემ ოჯახი წლების წინ შექმნა. მისი რჩეული თეკლა კოსტავა გახდა. წყვილი 2013 წელს დაოჯახდა. მათ ქორწილს უამრავი ცნობილი სახე ესწრებოდა. თეკლას საზოგადოება ნაკლებად იცნობს. ნიკას ინტერვიუების მიხედვით, მისი მეუღლე ბანკში მუშაობს და საჯაროდ, ტელეეკრანებზე გამოჩენა არ ხიბლავს. ამიტომ ნიკა დაოჯახების ამბავს დიდი ხნის მანძილზე საჯაროდ არ განიხილავდა.
„მას მერე, რაც ოჯახი შევქმენი, მივხვდი, რომ ოჯახის ფასი არაფერია“, – ხშირად იმეორებს ნიკა. წყვილს 5 წლის ქალიშვილი სესილია წულუკიძე ჰყავს. როგორც ჩანს, თავისუფალ დროს ოჯახის წევრებთან ერთად განმარტოებას ირჩევენ და სამოგზაუროდ საქართველოს სხვადასხვა კუთხეში მიდიან. ცხადია, ნიკოლოზი ყველგან სასურველი სტუმარია. საქართველოს მრავალფეროვანი ბუნებით აღფრთოვანებულმა ოჯახმა უამრავი ფოტო გამოაქვეყნა. ზაფხულის მანძილზე ერთად საირმე, ბახმარო, ჯუთა და სხვა გამორჩეული კუთხეები დაათვალიერეს. ნიკამ გამოქვეყნებულ პოსტებს „სანატრელი შვებულება“ დააწერა.
