16:03 12 ნოემბერი 2019
პირდაპირი ეთერი
  • EUR3.2697
  • 100 RUB4.6355
  • USD2.9633
მოწევის აკრძალვის ნიშანი

მოწევა კიდევ გაძვირდება: გეგმაშია ასაწონ თამბაქოზე გადასახადის გაზრდა

© photo: Sputnik / Alexander Kondratyuk
საზოგადოება
მოკლე ბმულის მიღება
101 0 0

საქართველოს ხელისუფლება ელეტროსიგარეტებზე აქციზის შემოღებასაც გეგმავს.

თბილისი, 20 სექტემბერი — Sputnik. საქართველოში ასაწონი თამბაქოს „ზომიერი დაბეგვრა" იგეგმება, განაცხადა ქვეყნის ფინანსთა მინისტრმა ივანე მაჭავარიანმა.

„თავიდანვე იგეგმებოდა დაბეგრილიყო ასაწონი თამბაქოც. შემდეგ, სამწუხაროდ, ეს პროცესი დიდხანს გაიწელა, ამიტომ აუცილებელია, რომ მოხდეს დაბეგვრა", – განაცხადა მაჭავარიანმა.

აღმართში დაწეული ქვა... ანუ თუთუნიც ძვირდება?!>>

მისი თქმით, გადასახადი დიდი არ იქნება.

„რასაკვირველია, ამით დაბალანსდება ის დანაკარგიც, როდესაც მომხმარებლის დიდი ნაწილი გადავიდა გადასახვევ თამბაქოზე, რომელიც საერთოდ არ იბეგრებოდა. შესაბამისად, დაბეგვრა მანდაც იქნება ზომიერი, ისე, რომ ხელმისაწვდომობა მაინც იყოს მწეველისთვის", – აღნიშნა მინისტრმა.

მისი თქმით, აქციზი დაწესდება ელექტრონულ სიგარეტებზეც.

„პარლამენტში ამასთან დაკავშირებითაც შესულია ინიციატივა. აუცილებელია ესეც მოწესრიგდეს და მოექცეს დაბეგვრის რეჟიმში… ჩვენი რეგულაციები უნდა გაუტოლდეს ევროპულს. დღეს ჩვენი რეგულაციები ევროპულზე მკაცრია აღნიშნულ საკითხში", – განაცხადა მაჭავარიანმა.

საქართველოში 2017 წლის იანვრიდან ერთ კოლოფ სიგარეტზე აქციზის ფასი 0,6 ლარით გაიზარდა და 1,7 ლარი შეადგინა. მოგვიანებით, 2019 წელს უფილტრო სიგარეტის აქციზი ფილტრიანის აქციზს გაუტოლდა.

2017 წლის 1 მაისიდან ქვეყანაში ძალაში შევიდა საკანონმდებლო ცვლილებები, რომლის თანახმად, მოწევა იკრძალება საზოგადოებრივ ადგილებში – ბარებში, კაფეებში, რესტორნებში, სასტუმროებსა და ნებისმიერი სახის შენობაში. გამონაკლისია რესტორნებისა და ბარების ღია ვერანდები ან ტერასები, კაზინოები და სხვ.

ჯანდაცვის მსოფლიო ორგანიზაციის მონაცემებით, საქართველოში მოსახლეობის 32% მწეველია.

მთავარი თემები