ლეგენდარულ მსახიობს ლიკა ქავჟარაძეს, რომელიც ყველამ გაიცნო თენგიზ აბულაძის ფილმიდან „ნატვრის ხე“, ერთადერთი ვაჟიშვილი დარჩა, რომელიც ოჯახთან ერთად ამერიკაში ცხოვრობს.
ლიკა ქავჟარაძე ორჯერ იყო დაქორწინებული. მისი პირველი მეუღლე სანდრო თაქთაქიშვილი გახლდათ. სწორედ მასთან ქორწინებიდან ჰყავს მსახიობს ვაჟი – ლევან თაქთაქიშვილი. სანდრო, რომელიც პროფესიით ფიზიკოსია, ამერიკის კოსმოსის სააგენტოში მუშაობს. რაც შეეხება ლევან თაქთაქიშვილს, ის ამერიკაში იურისტად მუშაობს.
ლევან თაქთაქიშვილს ერთი ვაჟი საშკა ჰყავს, რომელიც გარეგნობით ძალიან ჰგავს ბებიას და მისი სილამაზე მთელ საქართველოს აღაფრთოვანებს.
როგორც ლიკა ქავჟარაძემ თავის დროზე „პროფილისთვის“ მიცემულ ინტერვიუში განაცხადა, შვილისა და შვილიშვილის ნახვას ხშირად ვერ ახერხებს, რადგან საქართველოში იშვიათად ჩამოდიან. ამიტომ მათთან ურთიერთობა მხოლოდ „სკაიპის“ საშუალებით ჰქონდა.
მსახიობი პრესასთან წლების მანძილზე არ ურთიერთობდა. მან მხოლოდ ბოლო პერიოდში გადაწყვიტა საზოგადოების წინაშე გამოჩენა. 27 ოქტომბერს ლიკა ქავჟარაძის ვარსკვლავის გახსნა იგეგმებოდა, სადაც მისი შვილისა და შვილიშვილის ჩამოყვანაც იყო გადაწყვეტილი.
„თავის დროზე მე ვერ მივატოვე დედაჩემი და ჩემი შვილი, ახლა კი მე დავრჩი მარტო“, – აცხადებდა ლიკა ქავჟარაძე ერთ-ერთ ინტერვიუში.
ცნობილი ქართველი კინომსახიობი ლიკა ქავჟარაძე ორი წლის წინ 57 წლის ასაკში გარდაიცვალა. ის ახლობლებმა თბილისში, აბაშიძის ქუჩაზე, საკუთარ სახლში გარდაცვლილი იპოვეს.