ქართველი რეჟისორი რეზო გიგინეიშვილი, რომელიც რუსეთში დიდი პოპულარობით სარგებლობს და ბულვარული პრესის სასურველი რესპონდენტია, ცოლთან ერთად ევროპის ზღვის კურორტებზე ისვენებს. გიგინეიშვილი დაახლოებით ერთი თვის წინ ნადეჟდა ობოლენცევაზე დაქორწინდა. 37 წლის რუსი ბიზნესვუმენი მოსკოვში ერთ-ერთი ყველაზე პოპულარული ადამიანია.
დასვენებისას გადაღებულ ფოტოებსა და ვიდეოებს ნადეჟდა სოციალურ ქსელებში აქვეყნებს. წყვილი, როგორც ირკვევა, ახლა საფრანგეთშია და კანის სანაპიროებზე ირუჯება.
რეზოსთვის ეს მესამე ქორწინებაა. ასევე მესამეა ნადეჟდასთვის. პირველად ის მილიონერ დენის მიხაილოვზე დაქორწინდა და მასთან ერთად სამი წელი ამერიკაში ცხოვრობდა. შემდეგ წყვილი დაშორდა და ნადეჟდა მეორედ Нефтегазиндустрия-ს ტოპ-მენეჯერზე აირატ ისხაკოვზე გათხოვდა.
2017 წელს მასაც დაშორდა და სწორედ ამ პერიოდიდან იწყება რეზოსა და მისი სიყვარულის ისტორია.
გიგინეიშვილისა და ობოლენცევას სასიყვარულო ურთიერთობაზე პირველად ხმები 2017 წელს გავრცელდა. მაშინ რეზო ოფიციალურად გაშორდა მეორე მეუღლეს ნადეჟდა მიხალკოვას, ცნობილი რეჟისორის ნიკიტა მიხალკოვის ქალიშვილს. ოფიციალურად კი რეზო გიგინეიშვილი და ნადეჟდა ობოლენცევა საზოგადოებაში ერთად 2018 წლის ივნისში გამოჩნდნენ სოჭში გამართულ „კინოტავრის“ ფესტივალზე. მას შემდეგ შეყვარებულები ურთიერთობას აღარ მალავენ.
რეზოს პირველი მეუღლე „ვარსკვლავების ფაბრიკის“ მონაწილე ნასტია კოჩეტკოვა გახლდათ. წყვილი 2009 წელს დაშორდა. მათ საერთო შვილიც ჰყავთ. კოჩეტკოვასთან დაშორების შემდეგ რეზომ ნიკიტა მიხალკოვის ქალიშვილზე ნადიაზე იქორწინა და ქორწილი საქართველოში გადაიხადა.
2013 წელს მათ ჯვარი ბოდბის მონასტერში დაიწერეს, შეეძინათ ქალიშვილი ნინო. ნადია ყველა ინტერვიუში ამბობდა, რომ რეზიკოსთან ბედნიერი იყო, მაგრამ ამ ბედნიერებამ მხოლოდ რამდენიმე წელს გაუძლო და წყვილი ერთმანეთს დაშორდა.