16:23 23 სექტემბერი 2019
პირდაპირი ეთერი
  • EUR3.2860
  • 100 RUB4.6659
  • USD2.9759
სოფელი ახადი

ენერგოომბუდსმენი ფასანაურის მოსახლეობის პრობლემებს გაეცნო

© photo: Pshavi / FB
საზოგადოება
მოკლე ბმულის მიღება
საქართველოს ენერგეტიკა (45)
57 0 0

მომხმარებლებმა ძირითად პრობლემად წყლის დაბინძურება,  ელექტროენერგიის ხშირი შეწყვეტა და ძაბვის ცვალებადობა დაასახელეს

თბილისი, 30 ივლისი — Sputnik. ენერგოომბუდსმენი სალომე ვარდიაშვილი დაბა ფასანაურში მოქალაქეებსა და ადგილობრივი თვითმმართველობის ორგანოს წარმომადგენელებს ენერგოკომპანიებთან დაკავშირებული პრობლემების შესახებ ესაუბრა, ნათქვამია ენერგოომბუდსმენის Facebook-გვერდზე გავრცელებულ ინფორმაციაში.

მოსახლეობასთან შეხვედრა დაბა ფასანაურში აქცია „მოძრავი ოფისის“ ფარგლებში გაიმართა.

მომხმარებლებმა ძირითად პრობლემად  წყლის დაბინძურება,  ელექტროენერგიის ხშირი შეწყვეტა და ძაბვის ცვალებადობა დაასახელეს.

გარდა ამისა, მომხმარებლებმა შეხვედრაზე ინდივიდუალური განცხადებებიც წარმოადგინეს.

ენერგოომბუდსმენის აპარატის ცნობით, ზოგადი პრობლემების შესახებ საკითხები განიხილება შესაბამის ენერგოკომპანიასთან, ხოლო მოძრავი ოფისის აქცია აქტიურად გაგრძელდება სხვადასხვა რეგიონში.

მომხმარებელთა ინტერესების საზოგადოებრივი დამცველის სამსახური 2003 წელს მომხმარებელთა ინტერესების დაცვის დამატებითი გარანტიების შექმნის მიზნით შეიქმნა და მისი ძირითადი ფუნქციაა ელექტროენერგიის, ბუნებრივი გაზისა და სასმელი წყლის მომხმარებელთა ინტერესების დაცვაა.

თემები:
საქართველოს ენერგეტიკა (45)

მთავარი თემები