„მზეს ჰგავხარ!“ – ნინო ნადირაძე-კუზანოვამ უმაკიაჟო ფოტო გამოაქვეყნა

ფოტოსესიები, პროექტები, თოქ-შოუები – ესაა მიზეზი იმისა, რომ სელებრითებს სულ უფრო და უფრო ნაკლებად ვხედავთ ბუნებრივი სილამაზით. თაყვანისმცემლები მუდამ მომხიბლავ ცნობილ სახეებს მაკიაჟითა და გრიმით ეჩვევიან და მათ მაკიაჟის გარეშე აკრიტიკებენ.

ნინო ნადირაძე ამ მხრივ სითამამით გამოირჩევა. 46 წლის ექიმი ცხოვრების საიდუმლო დეტალებსაც კი საყვარელ ადამიანებსა და მაყურებელს გულახდილად უზიარებს. სულ ცოტა ხნის წინ სახლში გადაღებული ფოტოები გამოაქვეყნა, სადაც არ არის საგანგებოდ ჩაცმულ-მორთული.

მის ფოტოზე სიმწვანე დომინირებს. როგორც ჩანს, ნინომ შვებულება მოიწყო და სახლში ჰარმონიულად დაემალა ზაფხულის სიმხურვალეს. ფოტოებს კი „ტკბილი სახლი“, „გარუჯული“ და „ტკბილი ზაფხული“ დააწერა.

აღსანიშნავია, რომ ნინო ნადირაძე და გუგა კუზანოვი ამ ზაფხულს ერთადერთ ქალიშვილს ბაიას დააოჯახებენ. სავარაუდოდ, ოჯახში ქორწილისადმი სამზადისი დიდი ხნის წინ დაიწყო, რადგან ჯერ კიდევ მაისის თვეში სიძესა და მომავალ ნათესავებთან ოჯახური ვიდეო გამოაქვეყნეს და ქორწილი დააანონსეს.