12:31 21 აგვისტო 2019
პირდაპირი ეთერი
  • EUR3.2445
  • 100 RUB4.3846
  • USD2.9275
ზალიკო ბერგერი იბიცაზე

„მე და ჩემი საცოლე“ – ზალიკო ბერგერმა მომავალი ცოლის ფოტო გამოაქვეყნა

© FB/ Zaliko Berger
საზოგადოება
მოკლე ბმულის მიღება
სელებრითების ცხოვრება (379)
890410

დიზაინერი ზალიკო ბერგერი დიდი ხანია სასურველი სასიძოა. დედა და უახლოესი მეგობრები უკვე ორი ათეული წელია მის გაბედნიერებას ელოდებიან.

ქარიზმატული ზალიკო ხეცურიანის პირადი ცხოვრება მუდამ განხილვის საგანია. განათლებით ფილოსოფოსი და სოციოლოგი სასურველი სასიძოა, მაგრამ დაოჯახებული არასდროს ყოფილა. მისი ცხოვრება ეპატაჟურობით, ალკოჰოლითა და ღამის ცხოვრებითაა მოცული.

ქართული ბომონდის ყველაზე ხმაურიანი და კაშკაშა ვარსკვლავი ასაკს ყოველთვის მალავს, როგორც თვითონ ამბობს, არ უნდა დაბერება და ამაზე ფიქრიც კი აშინებს.
„სიბერე ძალიან მაშინებს. 90 წლის რომ გავხდები და ენერგიული არ ვიქნები... ამაზე ფიქრიც მაფრთხობს...“ - ამბობს ზალიკო.
სულ ცოტა ხნის წინ კი სოციალურ ქსელში ფოტო განათავსა წარწერით „მე და ჩემი საცოლე“, რამაც დიდი აჟიოტაჟი გამოიწვია.
ფოტოს უამრავი მხიარული კომენტარი მოჰყვა. ოჯახის წევრები, ცნობილი ვარსკვლავები და თაყვანისმცემლები – ყველა ულოცავს წყვილს. ზალიკო ბერგერის რჩეული კი წარმატებული ქართველი რესტორატორი და ღონისძიებების მენეჯერი თაკო დოლაბერიძე აღმოჩნდა.
როგორც ზალიკო ხეცურიანს შეეფერება, მეგობრებიც სწორედ ასე მხიარულად მიუდგნენ მის პოსტს.
„ქორწილს ზუგდიდში გადაგიხდით“, „ზალიკო, რაღა დროს „საცოლეა“, ცოლი დაგვანახე“, „სად ხართ? უკვე თაფლობისთვე გაქვთ?“, „გავხართ ერთმანეთს, ფერი ფერს და მადლი ღმერთს!“ – წერენ ზალიკოს მეგობრები და თაყვანისმცემლები. ჯერ კიდევ გაურკვეველია, არის თუ არა ქართველი ივენთმენეჯერი თაკო დოლაბერიძე ზალიკო ბერგერის ოჯახის ახალი წევრი, მაგრამ აშკარაა, ყველა მოვლენების განვითარებას ელოდება.

თემები:
სელებრითების ცხოვრება (379)

მთავარი თემები