თბილისში უბილეთო მგზავრობისთვის ჯარიმა 20 ლარამდე გაიზარდა

© Sputnik / Alexander Imedashviliლურჯი ავტობუსი
ლურჯი ავტობუსი - Sputnik საქართველო
გამოწერა
აქამდე უბილეთოდ მგზავრობა, ან 10-დან 16 წლამდე მგზავრის უბილეთოდ გადაყვანა 5 ლარით ჯარიმდებოდა.

თბილისი, 4 ივლისი — Sputnik. დღეიდან თბილისში მუნიციპალური ტრანსპორტით უბილეთოდ მგზავრობაზე ჯარიმა გაიზარდა, იუწყება ტელეკომპანია Imedi.

ავტობუსი - Sputnik საქართველო
როდის უნდა შეიძინოთ თბილისში ავტობუსით მგზავრობისას ბილეთი

საქართველოს პარლამენტმა „ადმინისტრაციულ სამართალდარღვევათა კოდექსში" შესატან ცვლილებებს მხარი მაისის ბოლოს დაუჭირა.

ცვლილების თანახმად, უბილეთო მგზავრობაზე 5-ლარიანი ჯარიმა 20 ლარამდე გაიზარდა.

რაც შეეხება საურავს, რომელიც 30 დღის განმავლობაში ჯარიმის გადაუხდელობისთვის მოქმედებს, ის შემცირდა და 50 ლარის ნაცვლად 40 ლარი გახდა.

დღემდე უბილეთოდ მგზავრობა, ან 10-დან 16 წლამდე მგზავრის უბილეთოდ გადაყვანა 5 ლარით ჯარიმდებოდა, ჯარიმის გადაუხდელობის შემთხვევაში კი თანხა 50 ლარამდე იზრდებოდა.

გარდა ამისა, სიახლეა ბილეთის აღების წესშიც: მგზავრი ვალდებულია ბილეთი მგზავრობის დაწყებისთანავე აიღოს. წინააღმდეგ შემთხვევაში კონტროლიორის მიერ მგზავრობის ნებისმიერ ეტაპზე შეიძლება დაჯარიმდეს.

 

ყველა ახალი ამბავი
0