18 წლის მაკო გომურის დასახმარებლად, რომელმაც 20 ივნისის აქციის დარბევის დროს თვალი დაკარგა, ფეისბუქ-აქციას იწყებენ. ინიციატორი აშშ-ში "საქართველოს ახალგაზრდა ელჩი" ტატო ოქრუაშვილია, რომელმაც აღნიშნულთან დაკავშირებით პოსტი „ფეისბუქზე“ გამოაქვეყნა.
მისი თქმით, ამერიკაში არის ბევრი კლინიკა, რომელიც ამგვარ ოპერაციებს წარმატებულად აკეთებენ 30-35 ათას დოლარად.
„მე მზად ვარ გავაკეთო პირველი დონაცია 1000 დოლარის სახით იმისათვის, რომ მაკოს გადავუნერგოთ თვალი. მსურს ამ მაგარ საქმეში შევიტანო ჩემი და ჩემი ოჯახის წვლილი, როგორც ადამიანებისა, რომლებმაც ვერ შევძელით მაკოსთან ერთად დგომა, იმიტომ რომ არ ვართ საქართველოში“, - წერს ტატო ოქრუაშვილი.
მისი პოსტი უამრავმა ინტერნეტ-მომხმარებელმა გაიზიარა.