მუსიკოსმა კაკო ვაშალომიძემ მის გერზე, მოდელ თამო ვაშალომიძეზე ტელეკომპანია Rustavi 2-ის თოქ-შოუ „პროფილში“ ისაუბრა. მისი თქმით, საჯაროდ არ სურს იმ ბრალდებებზე პასუხის გაცემა, რაზეც მოდელი საუბრობს.
მუსიკოსი გოგონასთან ერთად გატარებულ წლებს იხსენებს და ამბობს, რომ ცუდი მოგონებები აქვს - ორი ინფარქტი აქვს გადატანილი და ახლა მშვიდად ცხოვრება სურს.
მან აღნიშნა, რომ მოდელი მილიონერია თავად, დედამისი კი კვდება განგრენით და ფული არ აქვს.
თამო ვაშალომიძემ მამის ინტერვიუზე პირველი კომენტარი ჯერ კიდევ მაშინ გააკეთა, როცა ეთერში გადაცემის ანონსი გავიდა:
„ამ გადაცემის მერე დიდი თხოვნა იქნება ყველა ჟურნალისტთან, რომ არ დამირეკონ. მე დავხურე ეს თემა. პატივს ვცემ მის ასაკს და იმ რამდენიმე წელს, რაც კარგად მახსოვს. მე ვერაფერს ვიტყვი და კომენტარიც თქვენთვის მომინდია“, – დაწერა მოდელმა.
მოდელი რამდენიმე წლის წინ გამოჩნდა საზოგადოებაში და სკანდალური განცხადებებით გამოირჩევა.
