თბილისი, 3 ივნისი — Sputnik. რიკოთის საავტომობილო გვირაბში საავტომობილო მოძრაობა 3-დან 7 ივნისამდე პერიოდში აიკრძალება, ნათქვამია შინაგან საქმეთა სამინისტროს მიერ გავრცელებულ განცხადებაში.
უწყების ცნობით, აკრძალვები ზაფხულის სეზონთან დაკავშირებული პროფილაქტიკური სამუშაოების წარმოების გამო დაწესდა, რომელიც იმოქმედებს 3 ივნისის 08:00 საათიდან 7 ივნისის 08:00 საათამდე.
რიკოთის გვირაბის ჩაკეტვის პერიოდში საავტომობილო მოძრაობა შესაძლებელი იქნება შემოვლითი გზით.
აღნიშნული რეჟიმით მოძრაობა განხორციელდება საპატრულო პოლიციის უშუალო ზედამხედველობით და კოორდინაციით.
