02:14 25 მაისი 2019
პირდაპირი ეთერი
  • EUR3.1102
  • 100 RUB4.3044
  • USD2.7802
გიორგი მარგველაშვილი

მარგველაშვილის ახალი პროფესია: ექსპრეზიდენტი ავეჯს და ფურნიტურას ამზადებს

photo: courtesy of Administration of the President of Georgia
საზოგადოება
მოკლე ბმულის მიღება
203 0 0

გიორგი მარგველაშვილმა თავისი ხელით დაამზადა ავეჯი და ფურნიტურა კოტეჯისთვის, რომელსაც ტურისტებზე აქირავებს

თბილისი, 17 მაისი - Sputnik. საქართველოს ექს–პრეზიდენტის, გიორგი მარგველაშვილის მრავალმხრივი განათლებისა და ინტერესების შესახებ ბევრს სმენია, მაგრამ, როგორც აღმოჩნდა, ის ყველაფერთან ერთად კარგი შემდუღებელიცაა.

ფილოსოფოსი, რომელიც მრავალი წლის განმავლობაში საქართველოს საზოგადოებრივ საქმეთა ინსტიტუტის (GIPA) რექტორი იყო და ლექციებს კითხულობდა, ამჟამად ქალაქგარეთ, დუშეთში, თავის აგარაკზე ცხოვრობს. 

მან აღიარა, რომ პრეზიდენტობას მისთვის არავითარი ფინანსური კეთილდღეობა არ მოუტანია, ამიტომ საარსებო სახსრების შოვნა მას ისევე უწევს, როგორც საქართველოს ნებისმიერ სხვა მოქალაქეს. თავისი სახლის ეზოში მარგველაშვილმა ააშენა კოტეჯი ტურისტებისთვის, რომელსაც დღეში 100 დოლარად აქირავებს. კოტეჯში არის ერთი ორადგილიანი საძინებელი და ბუხარი.

ამ ნაგებობისთვის მთელი ავეჯი და ფურნიტურა ყოფილმა პრეზიდენტმა თავისი ხელით დაამზადა. კადრები, როგორ მუშაობს მარგველაშვილი ლითონის კონსტრუქციაზე თავის სახელოსნოში, „Reuters“-ის ობიექტივში მოხვდა. 

Президент Грузии Георгий Маргвелашвили капает картошку
გიორგი მარგველაშვილი საბოსტნე მიწას ამუშავებს

მარგველაშვილს სასოფლო-სამეურნეო საქმიანობაც იტაცებს. რამდენიმე წელია, მას მოჰყავს კარტოფილი, რომლის თესლიც ბელარუსის პრეზიდენტმა ალექსანდრ ლუკაშენკომ აჩუქა. მის ეზოში აზერბაიჯანის პრეზიდენტ ილჰამ ალიევის ნაჩუქარი ბროწეულის ხეც ხარობს.

საქართველოს მეოთხე პრეზიდენტს ქსოვაც ეხერხება.

როგორც მარგველაშვილი ამბობს, მას  არ ენატრება ის დრო, როდესაც პრეზიდენტი იყო, თუმცა ძალიან ამაყობს იმით, რომ მეთაურობდა იმ ქვეყანას, რომელიც ყველაზე მეტად უყვარს.

მარგველაშვილი საქართველოს პრეზიდენტი 2013 წლის ნოემბრიდან 2018 წლის დეკემბრამდე იყო.

მთავარი თემები