20:19 25 მაისი 2019
პირდაპირი ეთერი
  • EUR3.1102
  • 100 RUB4.3044
  • USD2.7802
 Wissol

Wissol-ი აქტივებს რუსულ კომპანიაზე ყიდის?

© photo: J.S.C. WISSOL PETROLEUM GEORGIA / FB
საზოგადოება
მოკლე ბმულის მიღება
საქართველოს ენერგეტიკა (26)
76 0 0

Wissol-ი საქართველოში მოქმედ მცირე თუ მსხვილ სუბიექტთან გაერთიანების შესაძლებლობას განიხილავს.

თბილისი, 9 მაისი — Sputnik. საწვავის კომპანია Wissol-ი არ იყიდება, განაცხადა Wissol Group-ის პრეზიდენტმა სოსო ფხაკაძემ საზოგადოებრივი მაუწყებლის პირველი არხის ეთერში.

ინფორმაცია იმის შესახებ, რომ Wissol-ის აქტივების შეძენას რუსული კომპანია „როსნეფტი" აპირებს, რამდენიმე დღის წინ  ტელეკომპანია Rustavi 2-მა გაავრცელა. ტელეკომპანიის ინფორმაციით, Wissol-თან მოლაპარაკებებს „როსნეფტის" შვილობილი კომპანია „პეტროკასი" აწარმოებს, რომელიც საქართველოში კომპანია Gulf-ის ქსელს და ფოთის პორტში ნავთობტერმინალს ფლობს.

„არ ვადასტურებთ, რომ ეს კომპანია იყიდება. ზოგადად, ჩვენი ხედვა საშუალოვადიან პერსპექტივაში არის შემდეგი: ნავთობპროდუქტების საცალო ვაჭრობის სეგმენტში გვინდა ბიზნესის გამსხვილება და თეორიულად ვაპირებთ საქართველოში მოქმედ მცირე თუ მსხვილ სუბიექტთან გაერთიანებას", – განაცხადა ფხაკაძემ.

ამასთან, ქართველმა ბიზნესმენმა აღნიშნა, რომ მისთვის გაუგებარია, როგორ შეიძლება რუსული კომპანიის მიერ საქართველოში ავტოგასამართი სადგურების შეძენამ ქვეყნის ეკონომიკას შეუქმნას საფრთხე.

„რაც შეეხება რუსული კომპანიების მონოპოლიის საფრთხეს, საერთოდ, მონოპოლია ყოველთვის საფრთხეა და ამას ხელისუფლება არ დაუშვებს", – განაცხადა სოსო ფხაკაძემ.

კომპანია Wissol-ი 2000 წელს დაარსდა და საქართველოში დაახლოებით 180 ავტოგასამართ სადგურს ფლობს.

თემები:
საქართველოს ენერგეტიკა (26)

მთავარი თემები