07:40 16 ივნისი 2019
პირდაპირი ეთერი
  • EUR3.0943
  • 100 RUB4.2700
  • USD2.7468
შშმ პირი ეტლით

ვაკანსიები შშმ პირებისათვის: თბილისში ფორუმი გაიმართება

© Sputnik / Alexander Imedashvili
საზოგადოება
მოკლე ბმულის მიღება
სოციალური სფერო საქართველოში (73)
103 0 0

ფორუმის მიმდინარეობისას, შშმ პირები არსებულ ვაკანსიებს გაეცნობიან და პოტენციურ დამსაქმებლებთან პირდაპირ კომუნიკაციას დაამყარებენ.

თბილისი, 18 აპრილი - Sputnik. „თბილისი მოლში“ შეზღუდული შესაძლებლობების მქონე პირთა დასაქმების ფორუმი გაიმართება, ნათქვამია სოციალური მომსახურების სააგენტოს მიერ გავრცელებულ განცხადებაში.

ფორუმი სოციალური მომსახურების სააგენტოსა და განათლების განვითარების და დასაქმების ცენტრის ორგანიზებითა და „თბილისი მოლის“ მხარდაჭერით 19 აპრილს 13:00-დან 15:00 საათამდე გაგრძელდება.

სამუშაოს მაძიებელ შეზღუდული შესაძლებლობების მქონე პირებს საშუალება ექნებათ, ადგილზევე დარეგისტრირდნენ სოციალური მომსახურების სააგენტოს საინფორმაციო პორტალზე – worknet.gov.ge

ფორუმის მიმდინარეობისას, შეზღუდული შესაძლებლობების მქონე პირები არსებულ ვაკანსიებს გაეცნობიან და პოტენციურ დამსაქმებლებთან პირდაპირ კომუნიკაციას დაამყარებენ.

ფორუმის მიზანია შშმ პირთა დასაქმების ხელშეწყობა. ღონისძიებაზე 20-ზე მეტი დამსაქმებელი შრომის ბაზარზე აქტიური ვაკანსიით იქნება წარმოდგენილი: „დიო“, „ნიკორა“, „კარფური“, „კომფორტი“, „ჯეოჰეარი“, „პალიტრა ჰოლდინგი“, „გეფა“, ილიას უნივერსიტეტი, სასტუმრო „შერატონი“, „აჭარა ჯგუფი“, „ემ გრუპი“ და სხვა.

თემები:
სოციალური სფერო საქართველოში (73)

მთავარი თემები