21:36 25 ნოემბერი 2020
პირდაპირი ეთერი
  • EUR3.9447
  • 100 RUB4.3629
  • USD3.3193
საზოგადოება
მოკლე ბმულის მიღება
სოციალური სფერო საქართველოში (229)
170 0 0

განაცხადები პროექტში მონაწილეობაზე უწყებაში 15 მარტამდე უნდა იყოს წარდგენილი.

თბილისი, 18 თებერვალი — Sputnik. საქართველოს მთავრობა კიდევ 110 იძულებით გადაადგილებულ ოჯახს დაუფარავს იპოთეკურ სესხს, იუწყება საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო.

„დევნილი ოჯახებისთვის იპოთეკური სესხის დაფარვის" პროექტი 2015 წლიდან დაიწყო. ამ დროისთვის სამინისტრომ სესხი 375 დევნილ ოჯახს დაუფარა.

სახელმწიფო ერთჯერად ფულად დახმარებას გასცემს იმ იძულებით გადაადგილებულ ოჯახებზე, რომლებმაც 2019 წლის 1 იანვრამდე შეიძინეს სახლი ან ბინა იპოთეკური კრედიტის მეშვეობით. ამასთან, ეს საცხოვრებელი ოჯახის ერთადერთი საკუთრება უნდა იყოს.

იპოთეკური კრედიტის დაფარვისთვის მაქსიმალური ფულადი დახმარება ერთ ოჯახზე 20 ათასი ლარია. წელს მთავრობამ დევნილი ოჯახების იპოთეკის დაფარვის მიზნით 200 ათასი ლარი გამოყო.

განაცხადების მიღება პროექტის მორიგ ეტაპზე მონაწილეობისთვის 15 მარტამდე გაგრძელდება. განაცხადთან ერთად მსურველებმა ასევე უნდა წარადგინონ კანონმდებლობით დადგენილი წესით გაფორმებული იპოთეკის ხელშეკრულება, იპოთეკის ხელშეკრულებიდან გამომდინარე შესაბამისი საფინანსო დაწესებულებიდან უფლებამოსილი პირის დამოწმებით გაცემული ამონაწერი გადახდილი და გადასახდელი თანხის ოდენობის თაობაზე, "საჯარო რეესტრის ეროვნული სააგენტოს" ამონაწერი განმცხადებლის საკუთრებაში რეგისტრაციის თაობაზე.

ამჟამად საქართველოში იძულებით გადაადგილებული პირის სტატუსის მქონე 273,4 ათასი ადამიანია.

თემები:
სოციალური სფერო საქართველოში (229)

მთავარი თემები