22:53 04 აპრილი 2020
პირდაპირი ეთერი
  • EUR3.4134
  • 100 RUB4.1072
  • USD3.1576
საზოგადოება
მოკლე ბმულის მიღება
განათლება საქართველოში-2018 (278)
24120

მიხეილ ბატიაშვილმა აღნიშნა, რომ მნიშვნელოვანია ჩინეთთან თანამშრომლობა განათლებისა და მეცნიერების სფეროებში

თბილისი, 16 თებერვალი — Sputnik. საქართველოს საჯარო სკოლის მოსწავლეები ჩინურის, როგორც მეორე უცხოური ენის შესწავლას შეძლებენ, ნათქვამია საქართველოს განათლების, მეცნიერების, კულტურისა და სპორტის სამინისტროს განცხადებაში.

შესაბამის ურთიერთგაგების მემორანდუმს განათლების, მეცნიერების, კულტურისა და სპორტის მინისტრმა მიხეილ ბატიაშვილმა და საქართველოში ჩინეთის სახალხო რესპუბლიკის ელჩმა, ძი იანჩიმ მოაწერეს ხელი. მემორანდუმის მიზანია საქართველოში ჩინური ენის პოპულარიზების ხელშეწყობა.

ბატიაშვილის განცხადებით, ჩინეთი საქართველოს ერთ–ერთი პარტნიორი და მეგობარი ქვეყანაა, ამიტომ ძალზე მნიშვნელოვანია ამ ქვეყანასთან თანამშრომლობა განათლებისა და მეცნიერების სფეროებში.

პირველ ეტაპზე ჩინური მხარე, ქართველი კოლეგების მხარდაჭერით, საქართველოს რამდენიმე საჯარო სკოლას შეარჩევს და მათ ჩინურის, როგორც მეორე უცხოური ენის შესწავლას შესთავაზებს.

ამჟამად ქართულ სკოლებში სავალდებულო უცხო ენა ინგლისურია. ზოგიერთ სახელმწიფო სკოლაში ასევე ასწავლიან რუსულ, იტალიურ, გერმანულ და ფრანგულ ენებს, მაგრამ როგორც მეორე უცხო ენას.

თემები:
განათლება საქართველოში-2018 (278)

მთავარი თემები