20:14 21 ოქტომბერი 2019
პირდაპირი ეთერი
  • EUR3.3088
  • 100 RUB4.6461
  • USD2.9718
ქართული სუნელები

რას ვჭამთ? რიგ პროდუქტებში ტყვია აღმოაჩინეს

© Sputnik / Alexander Imedashvili
საზოგადოება
მოკლე ბმულის მიღება
გარემოს დაცვა და ეკოლოგია (87)
294 0 0

კვების პროდუქტებში ტყვიის შემცველობის გამოვლენის შემთხვევები იკლებს.

თბილისი, 5 თებერვალი — Sputnik. საქართველოს სურსათის ეროვნული სააგენტოს სპეციალისტებმა ტყვიის შემცველობაზე კვების პროდუქტები და წყალი გამოიკვლიეს, შედეგად, 1,1 ათასზე მეტი ნიმუშიდან დარღვევები 23 შემთხვევაში აღმოაჩინეს, ნათქვამია უწყების განცხადებაში.

კვლევა 2018 წელს განხორციელდა. სპეციალისტებმა გამოიკვლიეს რძე და რძის პროდუქტები, ხორცი და ხორცპროდუქტები, თევზი და თევზეული, კვერცხი, ბავშვთა კვება, სუნელები, თაფლი, სასმელები, პურ-ფუნთუშეული, ბოსტნეული, ბურღულეული.

ტყვიის შემცველობა დაშვებულ ნორმას არ აჭარბებს ბავშვთა კვების პროდუქტებში, თევზში, ხორცში, პურ-ფუნთუშეულში, ბურღულეულსა და ბოსტნეულში.

ნორმასთან შეუსაბამობა გამოვლინდა რძის 15 ნიმუშში და სუნელების რვა სახეობაში. თუ 2017 წლის მონაცემებს შევადარებთ, მაშინ დარღვევა სუნელების 33 შემთხვევაში გამოვლინდა.

სისხლში ტყვიის შემცველობის დასაშვები ნორმა მოზრდილებში ერთ დეცილიტრზე 20 მიკროგრამის ფარგლებში მერყეობს. ბავშვებში ნორმალური მაჩვენებელია 8-9 მიკროგრამი. 10 მიკროგრამზე მეტი მაჩვენებლის შემთხვევაში ბავშვი იწამლება.

დარღვევების შესახებ შესაბამის სამსახურებს აცნობეს. პროდუქციის ამოღებას ბაზრიდან სურსათის სააგენტოს ექსპერტები აკონტროლებენ.

სააგენტოში აღნიშნავენ, რომ ტყვიის მაღალი შემცველობის მქონე პროდუქტების გამოვლენის შემთხვევების რაოდენობის შემცირება ბაზრის კონტროლის გააქტიურებამ და რეგიონებში ნარჩენების მართვის სისტემის გაუმჯობესებამ გამოიწვია.

ტყვიის მცირე რაოდენობა ორგანიზმში ჯანმრთელობას არ ვნებს, მაგრამ თუ ის ნორმაზე მნიშვნელოვნად მაღალია და დიდი ხნის განმავლობაში გროვდება, შეიძლება ორგანიზმი მოიწამლოს.

თუ ადამიანის ორგანიზმში არის ტყვია, მისი პოვნა შესაძლებელია სისხლსა და შარდში. ის ასევე გროვდება ძვლებში, თმასა და კბილებში. ორგანიზმში ტყვიის დონის გასაზომად სისხლის ანალიზი ტარდება.

ბავშვების ტყვიით მოწამვლა ერთ-ერთ სერიოზულ პრობლემად რჩება. ტყვიას ისუნთქავენ, რადგან ის ჰაერშია უმცირესი ნაწილაკების სახით, რომელსაც გამოყოფს ავტომობილი გამონაბოლქვთან ერთად, ან ორთქლდება ტყვიის საფუძველზე დამზადებული საღებავიდან და ა.შ.

თემები:
გარემოს დაცვა და ეკოლოგია (87)

მთავარი თემები