01:15 24 აგვისტო 2019
პირდაპირი ეთერი
  • EUR3.2365
  • 100 RUB4.4581
  • USD2.9279
ხულო

მაღალმთიან აჭარაში 350 ოჯახს ელექტროენერგია არ მიეწოდება

© Sputnik / STRINGER
საზოგადოება
მოკლე ბმულის მიღება
უამინდობა საქართველოში (192)
72 0 0

თოვლის გამო საავტომობილო მიმოსვლა და სასწავლო პროცესი არ შეფერხებულა.

თბილისი, 13 დეკემბერი — Sputnik. აჭარის მაღალმთიანეთის ცალკეულ რაიონებში თოვლმა პრობლემები შექმნა, ხულოს მუნიციპალიტეტის დანისპირაულისა და ხიხაძირის სოფლების 350-მდე ოჯახს ელექტროენერგია არ მიეწოდება, იუწყება აჭარის ტელევიზია.

თოვლის საფარმა ამ დროისთვის გოდერძის უღელტეხილზე ნახევარ მეტრს მიაღწია, მაღალი ზონის სოფლებში 15-20 სანტიმეტრია, ხოლო დაბის ტერიტორიაზე – 2-3 სანტიმეტრი.

ტელეკომპანიის ინფორმაციით, დაზიანების ადგილზე ელექტროგამანაწილებელი კომპანია Energo-Pro Georgia-ს ბრიგადები მუშაობენ. როგორც კომპანიაში აცხადებენ, უახლოეს პერიოდში მოხდება დაზიანებული ელექტროგადამცემი ხაზების აღდგენა, რის შემდეგაც მოსახლეობას ელექტროენერგიის მიწოდება აღუდგება.

რაც შეეხება საავტომობილო მიმოსვლას, თოვლს გზებზე ტრანსპორტის მოძრაობისთვის პრობლემა არ შეუქმნია. შეუფერხებლად მუშაობს აგრეთვე ყველა საგანმანათლებლო დაწესებულება.

 

თემები:
უამინდობა საქართველოში (192)

მთავარი თემები