თბილისი, 6 აპრილი — Sputnik. ცნობილი ბლოკბასტერი "ფორსაჟი-8" საქართველოს კინოგაქირავებაში 13 აპრილს — მსოფლიო პრემიერის მეორე დღეს გამოვა.
სურათის პრემიერა ბერლინში გაიმართება.
მთავარი როლები შეასრულეს ვინ დიზელმა და შარლიზ ტერონმა, რომელიც ერთ-ერთი მთავარი კიბერდამნაშავის როლს თამაშობს. სწორედ ის გახდა ავტომრბოლელების შეკრული გუნდის გახლეჩვის მიზეზი.
ვინ დიზელი, რომელიც უკვე დიდი ხანია არა მხოლოდ მსახიობია ფილმში, არამედ ფრანშიზის პროდიუსერის როლშიც გვევლინება, "ფორსაჟის" დასრულებას აპირებს 2021 წელს, როდესაც საიუბილეო, მეათე ფილმს გამოუშვებს.
ფილმის რეჟისორია ფ.გერი გრეი. ფილმში ასევე თამაშობენ ჯეისონ სტეიტემი, კურტ რასელი, დუეინ ჯონსონი, მიშელ როდრიგესი, ჰელენ მირეენი, სკოტ ისტვუდი და სხვები.