23:51 27 სექტემბერი 2020
პირდაპირი ეთერი
  • EUR3.8812
  • 100 RUB4.2875
  • USD3.3332
საზოგადოება
მოკლე ბმულის მიღება
საქართველოში H1N1ვირუსი ვრცელდება (17)
52901

პაატა იმნაძემ ინფორმაციას - სომხეთში გრიპის გავრცელება საქართველოში არსებულ რიჩარდ ლუგარის საზოგადოებრივი ჯანდაცვის ცენტრს უკავშირდება, სიცრუე უწოდა.

თბილისი, 19 იანვარი — Sputnik. ინფორმაცია იმის შესახებ, რომ მწვავე ვირუსული რესპირატორული ინფექციისა და H1N1-ის გავრცელება სომხეთში რიჩარდ ლუგარის საზოგადოებრივი ჯანდაცვის კვლევითი ცენტრის საქართველოში არსებობასთან არის დაკავშირებული, სინამდვილეს არ შეესაბამება, მიიჩნევს დაავადებათა კონტროლის ცენტრის ხელმძღვანელის მოადგილე პაატა იმნაძე.

მწვავე ვირუსული რესპირატორული ინფექციისა და H1N1-ის გააქტიურებას სომხეთში ზოგიერთი სომეხი ექსპერტი მეზობელ საქართველოში ამერიკელი მეცნიერის ლუგარის სახელობის ლაბორატორიას უკავშირებს. მათი ეჭვი ადრე გავრცელებულ ინფორმაციას ეყრდნობა იმასთან დაკავშირებით, რომ ამ ადგილას ბიოლოგიური იარაღი იქმნება და ადამიანებსა და ცხოველებზე სახიფათო ექსპერიმენტები ტარდება.

„ეს აბსოლუტური სისულელეა. ეს ერთ-ერთი ქვეყნის სპეცსამსახურების აბსოლუტური უვიცობა და სიცრუეა. მსგავს არაპროფესიულ სტატიებს მუდმივად წერენ, მათ შორის არასერიოზულ ქართულ ვებგვერდებზეც“, — განაცხადა იმნაძემ საინფორმაციო სააგენტო „ახალი ამბები — საქარველოსთვის“ მიცემულ ინტერვიუში.

მისი თქმით, გრიპის გავრცელება სომხეთში ბევრად უფრო ადრე და ინტენსიურად დაიწყო, ვიდრე საქართველოში.


თემები:
საქართველოში H1N1ვირუსი ვრცელდება (17)

მთავარი თემები