თბილისი, 11 მაისი – Sputnik. ყაზანის სასწავლო დაწესებულებაში სროლის დროს 11 ადამიანი დაიღუპა – უმრავლესობა ბავშვია, განუცხადეს სააგენტო РИА Новости-ს რეგიონის საგანგებო სამსახურში.
მანამდე გავრცელდა ინფორმაცია ექვსი დაღუპულის, მოგვიანებით კი ათის შესახებ.
ორი მოსწავლე დაიმტვრა – ისინი მესამე სართულიდან გადმოხტნენ.
ყაზანის №175 სკოლაში უცნობმა პირებმა ცეცხლი გახსნეს. წინასწარი ინფორმაციით, ისინი მოზარდები არიან. ერთ-ერთი მათგანი დაკავებულია, ხოლო მეორეს, შესაძლოა, მძევლები ჰყავს აყვანილი.
ევაკუირებულ ბავშვებთან ფსიქოლოგები მუშაობენ, ორგანიზებულია „ცხელი ხაზი“. ადგილზე სასწრაფო დახმარების 21 ბრიგადა გაგზავნეს.
ადგილზე ასევე მივიდნენ თათრეთის პრეზიდენტი რუსტამ მინიხანოვი, რესპუბლიკის ჯანდაცვის მინისტრი მარატ სადიკოვი და რეგიონის პროკურორი ილდუს ნაფიკოვი. ქალაქის ყველა სასწავლო დაწესებულებაში გააძლიერეს უსაფრთხოების ზომები.
