კისლოვოდსკში ძალოვნების წინააღმდეგ დაგეგმილი ტერაქტი აღიკვეთა: დაკავებულია ოთხი პირი

© photo: Sputnik / Vitaly Belousov / გადასვლა მედიაბანკშირუსეთის უსაფრთხოების ფედერალური სამსახურის თანამშრომლები
რუსეთის უსაფრთხოების ფედერალური სამსახურის თანამშრომლები - Sputnik საქართველო, 1920, 05.04.2021
გამოწერა
ქალაქ კისლოვოდსკში რუსეთის ოთხი მოქალაქე დააკავეს, რომელთაგან ერთი ძალოვნებზე თავდასხმებს გეგმავდა, ხოლო სამმა სირიაში ბოევიკების დასაფინანსებელი არხი შექმნა.

თბილისი, 5 აპრილი — Sputnik. ქალაქ კისლოვოდსკში დააკავეს ისლამისტი, რომელიც ტერაქტს ამზადებდა, იუწყება РИА Новости რუსეთის უშიშროების ფედერალური სამსახურის განცხადებაზე დაყრდნობით.   

„ქალაქ კისლოვოდსკში დაკავებულია 1966 წელს დაბადებული, მანამდე ნასამართლევი მოქალაქე, რომელიც სამართალდამცველი ორგანოების თანამშრომლებზე თვითნაკეთი ასაფეთქებელი მოწყობილობებით გეგმავდა თავდასხმებს საერთაშორისო ტერორისტული ორგანიზაციების ინტერესების შესაბამისად“, — ნათქვამია განცხადებაში.

გავრცელებული ინფორმაციით, დაკავებულის ბინიდან ამოღებულია თვითნაკეთი ბომბების დასამზადებლად საჭირო კომპონენტები, ფეთქებადი ნივთიერებები, დამაზიანებელი ელემენტები და ექსტრემისტული ლიტერატურა.

გარდა ამისა, დაპატიმრებულია დაკავებულის სამი თანამზრახველი (ყველა მათგანი რუსეთის მოქალაქეა), რომლებსაც კავშირი ჰქონდათ სირიაში ტერორისტული სტრუქტურების დასაფინანსებელი არხის ორგანიზებაში.

როგორც უშიშროების ფედერალური სამსახურის განცხადებაშია ნათქვამი, დაკავებულების ვინაობა გამოძიების ინტერესებიდან გამომდინარე არ კონკრეტდება.

ყველა ახალი ამბავი
0