თბილისი, 23 იანვარი - Sputnik. რუსეთში COVID-19-ის საწინააღმდეგო ვაქცინის უკვე 7,6 მილიონი დოზაა წარმოებული, განაცხადა რუსეთის პრემიერ-მინისტრმა ტატიანა გოლიკოვამ.
„შემიძლია ვთქვა, რომ ახლა ვაქცინის უკვე 7,6 მილიონი დოზაა წარმოებული, 2,1 მილიონი დოზა ქვეყნის რეგიონებს მიეწოდათ“, - განაცხადა მან.
მისი თქმით, სხვაობა აიხსნება იმით, რომ ვაქცინის ეს მოცულობები სხვადასხვა დროს არის წარმოებული. ვაქცინის ხარისხისა და უსაფრთხოების უზრუნველსაყოფად ის ხარისხის კონტროლს გადის, შემდეგ კი გამოსაყენებლად მიეწოდება.
ვიცე-პრემიერმა ასევე განაცხადა, რომ რუსეთში ვაქცინაციის 2 250 პუნქტი მუშაობს.
„იმ მომენტისთვის, როდესაც პრეზიდენტმა მასშტაბურიდან მასობრივ ვაქცინაციაზე გადასვლის განკარგულება გასცა, რუსეთში იყო 1300-მდე ვაქცინაციის კაბინეტი, ახლა კი უკვე 2 250“, - განაცხადა გოლიკოვამ.
