13:23 10 ივლისი 2020
პირდაპირი ეთერი
  • EUR3.4655
  • 100 RUB4.3263
  • USD3.0600
რუსეთი
მოკლე ბმულის მიღება
COVID-19-ის პანდემია მსოფლიოში (1016)
5401

ამ პრეპარატის გამოყენება მხოლოდ სტაციონარის პირობებშია დასაშვები და აკრძალულია ბავშვებისა და 18 წლამდე მოზარდებისთვის

თბილისი, 6 ივნისი - Sputnik. რუსეთის ჯანდაცვის სამინისტრომ კორონავირუსის სამკურნალო კიდევ ერთი პრეპარატი დაარეგისტრირა, იუწყება РИА Новости უწყებაზე დაყრდნობით.

სარეგისტრაციო მოწმობა მიენიჭა პრეპარატს „ლევილამაბი“ (სავაჭრო დასახელება „ილსირა“).

„პრეპარატი ენიშნება პაციენტებს დაავადების მძიმე მიმდინარეობით, როდესაც ე.წ. ციტოკინური შტორმი ვითარდება - ორგანიზმის ჭარბი ანთებითი რეაქცია ვირუსის შემოჭრაზე, რომელიც იწვევს ქსოვილების და ორგანოების, კერძოდ, ფილტვის ქსოვილის დაზიანებას, ინფექციის მძიმე მიმდინარეობას შესაძლო ლეტალური გამოსავლით“, - ნათქვამი8ა განცხადებაში.

„ლევილამაბს“ აწარმოებს ბიოტექნოლოგიური კომპანია Biocad-ი. როგორც Biocad-ში განმარტეს, პრეპარატმა სახელმწიფო რეგისტრაცია სპეციალურ რეჟიმში მიიღო. მესამე ფაზის კლინიკური კვლევები ჯერ კიდევ გრძელდება - ეს საჭიროა მუდმივი სარეგისტრაციო მოწმობის მისაღებად. მაისის ბოლოს კომპანიაში განაცხადეს, რომ კვლევებში 13 სამედიცინო ცენტრი მონაწილეობს, ხოლო საშუალო სიმძიმის პაციენტებში ექიმები დადებით დინამიკას აღნიშნავენ.

„ილსირას“ გამოყენება მხოლოდ სტაციონარის პირობებშია შესაძლებელი. მისი გამოყენება დაუშვებელია ბავშვებში და 18 წლამდე ასაკის მოზარდებში, ორსულ და მეძუძურ ქალებში, ღვიძლის მძიმე უკმარისობისა და მწვავე ფაზაში ბაქტერიული ინფექციების, მათ შორის ტუბერკულიოზის მქონე პაციენტებში.

თემები:
COVID-19-ის პანდემია მსოფლიოში (1016)

მთავარი თემები