თბილისი, 3 აპრილი — Sputnik. რუსული პოპ-ჯგუფი „ვია გრას" ექს-სოლისტი ანა სედოკოვა ტელეარხ RU.TV-ზე ქართველი დიზაინერის აკა ნანიტაშვილის ჯინსის ქურთუკში გამოჩნდა, რომელიც ამოქარგული თეთრი ყვავილებითა და მარგალიტებით იყო გაფორმებული.
სედოკოვამ ფოტო წარწერით „@akananita მადლობა არარეალური ჯინსისთვის" Instagram-ის საკუთარ გვერდზე გამოაქვეყნა.
სხვათაშორის აკა ნანიტაშვილი, ისევე როგორც სხვა ქართველი დიზაინერები, რუსული შოუ-ბიზნესის ვარსკვლავებს შორის დიდი წარმატებით სარგებლობს.
სულ ახლახანს აკა ნანიტაშვილის ფეხსაცმელი მომღერალმა ალსუმ მოირგო.
აკა ნანიტაშვილმა 2009 წელს საკუთარი ბრენდი Aka Nanitashvili Fashion House-ი დააარსა. სამოსთან ერთად, იგი ფეხსაცმლის ხაზზეც მუშაობს. შექმნილი მოდელების ინდივიდუალურობიდან და უნიკალურობიდან გამომდინარე, ქართველი დიზაინერი პოპულარულია არამარტო საქართველოში, არამედ უკრაინაში, ყაზახეთსა და რუსეთში.