07:43 21 ოქტომბერი 2019
პირდაპირი ეთერი
  • EUR3.3088
  • 100 RUB4.6461
  • USD2.9718
ვახტანგ ჭაბუკიანი და ვერა წიგნაძე

ვერა წიგნაძეს 95 წელი შეუსრულდებოდა

© photo: Sputnik / Vasily Malyshev
მიმოხილვები
მოკლე ბმულის მიღება
6610

ბალეტის გამოჩენილ ქართველ მსახიობს ვერა წიგნაძეს 24 სექტემბერს 95 წელი შეუსრულდებოდა.

რით დაამახსოვრა მან თავი მსოფლიო ბალეტს, რისთვის უყვარდათ და ამ დრომდე რატომ ახსოვთ ის, ამის შესახებ „Sputnik–საქართველო" მოგითხრობთ.

ვერა წიგნაძე ბაქოში დაიბადა. დედა ბაქოში რუსეთიდან ჩავიდა და საავადმყოფოში დაიწყო მუშაობა, მამა კი ძირძველი ქუთაისელი იყო, რომელიც აზერბაიჯანის დედაქალაქს სამსახურებრივი საქმეებიდან გამომდინარე ეწვია. ის ავად გახდა და იმ საავადმყოფოში მოხვდა, სადაც ვერას დედა მუშაობდა. აი, აქედან დაიწყო მათი რომანი.

Вера Цигнадзе
photo: courtesy of National Archives of Georgia
ვერა წიგნაძე

ბაქოს ქორეოგრაფიული სასწავლების დამთავრების შემდეგ ვერა ახუნდოვას სახელობის ბაქოს ოპერისა და ბალეტის თეატრში მოხვდა. მან კორდებალეტიდან დაიწყო, 16 წლისას კი ბალეტ „რაიმონდაში" მთავარი პარტია ანდეს.

ვახტანგ ჭაბუკიანი და ვერ წიგნაძე
© photo: Sputnik / Vasilij Malyshev

ისტორიულ სამშობლოში ერთ-ერთი სტუმრობისას ვერამ თბილისში თავისი კერპი — ქართული ბალეტის მეტრი ვახტანგ ჭაბუკიანი ნახა. ის დონ კიხოტს ცეკვავდა მარია სემიონოვასთან ერთად. ჭაბუკიანმა, თავის მხრივ, შენიშნა ვერა და ის თბილისში მიიწვია. და ის მალე მისი პარტნიორი გახდა.

ამის შემდეგ ვერას შემოქმედებით კარიერაში დაიწყო გასტროლები მთელ საბჭოთა კავშირში, აშშ-ში, საფრანგეთში, ესპანეთში, ბრაზილიაში, ჩილეში. მას ყველგან თავბრუდამხვევი წარმატება ჰქონდა.

ვერა წიგნაძის განმასხვავებელი თვისებები — ფორმის მკაცრი აკადემიურობა, ოსტატობა და ექსპრესიულობა — მის ცეკვაში ქალურ შარმთან და პოეტურობასთან კარგად იყო შერწყმული.

Народный артист СССР Вахтанг Чабукиани в роли Отелло, народная артистка Грузинской ССР Вера Цигнадзе в роли Дездемоны
© photo: Sputnik / Vasilij Malyshev
ვახტანგ ჭაბუკიანი და ვერა წიგნაძე

კარიერის დასრულების შემდეგ წიგნაძემ პედაგოგიურ მოღვაწეობას მიჰყო ხელი და თბილისის ქორეოგრაფიულ სასწავლებელში კლასიკური ცეკვის პედაგოგად დაიწყო მუშაობა.

2005 წლის დეკემბერში „საქართველოს ფოსტამ“ გამოუშვა ორი მარკა „ქართული ბალეტი". პირველზე ვერა წიგნაძე იყო გამოსახული, მეორეზე – ვახტანგ ჭაბუკიანი.

Почтовые марки с изображениями Веры Цигнадзе и Вахтанга Чабукиани
photo: courtesy of National Archives of Georgia
საფოსტო მარკები ვერა წიგნაძისა და ვახტანგ ჭაბუკიანის გამოსახულებით

ვერა წიგნაძე ორჯერ იყო დაჯილდოებული სტალინის პრემიით: 1948 წელს ბალეტ „სინათლეში" შესრულებული კეთილი ფერიის პარტიისათვის და 1951 წელს თორაძის „გორდაში" შესრულებული პარტიისთვის.

მთავარი თემები