ილია მეორე აზერბაიჯანის ელჩს შეხვდა

© photo: Patriarchate of Georgiaილია მეორე აზერბაიჯანის ელჩს შეხვდა
ილია მეორე აზერბაიჯანის ელჩს შეხვდა

 - Sputnik საქართველო
გამოწერა
საქართველოს პატრიარქმა გამოხატა შეშფოთება მთიან ყარაბაღში საბრძოლო მოქმედებების გამო და მხარეებს მშვიდობისკენ მოუწოდა

თბილისი, 8 ოქტომბერი — Sputnik. სრულიად საქართველოს კათოლიკოს-პატრიარქმა, ილია მეორემ მთიან ყარაბაღში სიტუაციის განსახილველად აზერბაიჯანის ელჩს ფაიგ გულიევს უმასპინძლა, იუწყება საქართველოს საპატრიარქო.

საქართველოს საპატრიარქო - Sputnik საქართველო
საქართველოს კათოლიკოს-პატრიარქმა სომხეთის ელჩი მიიღო

ელჩმა მის უწმინდესობას მადლობა გადაუხადა მიღებისთვის, ასევე  გავრცელებული განცხადებისა და მშვიდობისკენ მოწოდებისთვის.

თავის მხრიდან კათოლიკოს-პატრიარქმა მოულოცა გულიევს ელჩის თანამდებობის დაკავება და კვლავ გამოხატა შეშფოთება საბრძოლო მოქმედებების გამო.

„სიმართლეზე ძვირფასი არაფერია; უნდა ვეძიოთ იგი; სიმართლემდე კი გზა ნაბიჯ-ნაბიჯაა გასავლელი. ინებოს ღმერთმა, რომ ეს სამართლებრივი, მშვიდობიანი მეთოდებით განხორციელდეს“, - ბრძანა პატრიარქმა.

საქართველოს ეკლესიის მხრიდან შეხვედრას ესწრებოდნენ: საპატრიარქო ტახტის მოსაყდრე, მიტროპოლიტი შიო (მუჯირი), ახალციხისა და ტაო-კლარჯეთის მიტროპოლიტი თეოდორე (ჭუაძე), კათოლიკოს-პატრიარქის მდივანი, დეკანოზი მიქაელ ბოტკოველი და საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე.

სრულიად საქართველოს კათოლიკოს-პატრიარქი ილია მეორე გუშინ ასევე სომხეთის ელჩს საქართველოში, რუბენ სადოიანს შეხვდა.

ყველა ახალი ამბავი
0