ილია მეორემ მრევლს მართლმადიდებლობის ზეიმი მიულოცა

© Sputnik / Vladimir Umikashviliსაქართველოს კათოლიკოს-პატრიარქი ილია მეორე
საქართველოს კათოლიკოს-პატრიარქი ილია მეორე - Sputnik საქართველო
გამოწერა
დიდმარხვის პირველ კვირას ეკლესია აღნიშნავს „მართლმადიდებლობის ზეიმს“

თბილისი, 17 მარტი — Sputnik. საკვირაო წირვა-ლოცვაზე საქართველოს კათოლიკოს-პატრიარქმა ილია მეორემ მართლმადიდებელ ხალხს მართლმადიდებლობის ზეიმი მიულოცა, იუწყება საზოგადოებრივი მაუწყებლის პირველი არხი.
ილია მეორემ პური აკურთხა და მრევლს დაურიგა.

სრულიად საქართველოს კათოლიკოს–პატრიარქი ილია მეორე - Sputnik საქართველო
პატრიარქი წირვის დროს შეუძლოდ გახდა        

„გილოცავთ დიდებულ დღესასწაულს, მართლმადიდებლობის ზეიმს. დღეს აქტუალურია ეს საკითხი, მართლმადიდებლობა. ჩვენ ყველაფერი უნდა გავაკეთოთ იმისთვის რომ მართლმადიდებლობა შევინარჩუნოთ. ეს დღესასწაული დაარსდა მაშინ როცა კრებამ მიიღო საეკლესიო დადგენილება ხატების თაყვანისცემაზე. ბევრი შემთხვევაა, როცა ზოგიერთს არ ესმის რა არის მართლმადიდებლობა და ჩვენ შევთხოვთ უფალს, რომ უფალმა გაუხსნას გონება და გული, რათა ირწმუნონ ჭეშმარიტება. ჭეშმარიტება გადაარჩენს ქვეყანას, კაცობრიობას“, - ბრძანა ილია მეორემ.
დიდმარხვის პირველ კვირას ეკლესია აღნიშნავს „მართლმადიდებლობის ზეიმს“. ეს ტრადიცია დასაბამს იღებს IX საუკუნიდან. როგორც ცნობილია, მეშვიდე მსოფლიო კრებამ (787 წ.) დაამტკიცა ხატებისა და სხვა საეკლესიო სიწმიდეების თაყვანისცემის ჭეშმარიტება.

ყველა ახალი ამბავი
0