კალაძე: ახალ წლამდე პროდუქტებით ბევრ ადამიანს დავეხმარეთ, ასე გაგრძელდება მომავალშიც
„ჩვენ ახალ წლამდე მოვახდინეთ პროდუქტებით დახმარება, თუმცა არ ვჩერდებით და ეს პროექტი ახალი წლების მერეც გაგრძელდება. მე მინდა ვისარგებლო შემთხვევით და მადლობა გადავუხადო ყველა იმ ადამიანს, ბიზნეს-სექტორის წარმომადგენელებს, ვინც ჩართულია ამ პროექტში. უკვე გამზადებული და დაფასოებულია პროდუქტები, რომლებიც ოჯახებს დღეიდან დაურიგდებათ“, – განაცხადა კახა კალაძემ.
თბილისის მერის განცხადებით, პანდემიის პირველი ტალღის დროს მერია ძალიან ბევრ ადამიანს დაეხმარა, რისთვისაც დედაქალაქის ბიუჯეტიდან გამოყოფილი იყო 1,2 მლნ ლარი.
ამ დროისათვის სულ გამოჯანმრთელდა 240.629 ადამიანი (ბოლო 24 საათში – 1.892), გარდაიცვალა – 3.038 (ბოლო 24 საათში – 16), კარანტინის რეჟიმშია 530, სტაციონარებში ექიმების დაკვირვების ქვეშ 3.302 პაციენტი, ხოლო კოვიდ–სასტუმროებში 444 ადამიანი იმყოფება.
