ვახტანგ ჭარაია ლარი უფრო მეტად გაუფასურებას ვარაუდობს
„ლარის გაუფასურებაზე მოქმედებს ძალიან ბევრი ფაქტორი. საუბარია როგორც პანდემიით გამოწვეულ, ასევე გარე ფაქტორებზე. ლარის გაუფასურება გარკვეული დროის შემდეგ აუცილებლად ჰპოვებს ასახვას ინფლაციაზე, ანუ ფასების ზრდას გამოიწვევს. ლარის მომდევნო გაუფასურება ჯერ კიდევ მოსალოდნელია ქვეყანაში შექმნილი არსებული ვითარებიდან გამომდინარეც, როგორც პანდემიის მხრივ, ასევე პოლიტიკური და ეკონომიკური კუთხით", – აღნიშნა ვახტანგ ჭარაიამ ტელეკომპანია „რუსთავი 2“-ის ეთერში.
ეროვნულმა ვალუტამ ვარდნა 31 ოქტომბრის საპარლამენტო არჩევნების შემდეგ 3.23 ნიშნულიდან დაიწყო. ლარის გაუფასურების შესაჩერებლად ეროვნულმა ბანკმა 2 ნოემბერს გამართულ სავალუტო აუქციონზე 60 მილიონი დოლარი გაყიდა, მაგრამ, მიუხედავად ამისა, სავალუტო ჯიხურებში 1 დოლარის ფასმა 3.40 ლარს მიაღწია.
