გახარია: უახლოეს დღეებში კორონავირუსით ინფიცირების მაჩვენებელი 1 000-ს გადააბიჯებს
„გვქონდა მთავრობის სხდომა, სადაც, მთავრობის წევრების გარდა, მოწვეული გვყავდა ეპიდემიოლოგები, ქალაქის მერი, რათა მიგვეღო გარკვეული გადაწყვეტილებები ქვეყანაში ეპიდემიოლოგიური მდგომარეობიდან გამომდინარე. მოგეხსენებათ, დღეს და ბოლო დღეების განმავლობაში მსოფლიოში დაფიქსირდა ინფიცირების რეკორდული მაჩვენებლები. მაგალითად, გუშინ იყო 381 ათასი. დღეს საქართველოში გვაქვს რეკორდული მაჩვენებლი – 919 ინფიცირებული პირი, რაც, რა თქმა უნდა, სერიოზული რიცხვია და, როგორც ჩანს, უახლოეს დღეებში 1000-ს გადავაბიჯებთ. ყველას კარგად უნდა გვესმოდეს, რომ მსოფლიოში არ არსებობს არანაირი გზა ეპიდემიის სწრაფი შეჩერებისა, გარდა მკაცრი შეზღუდვების და ლოკდაუნების“, – განაცხადა გიორგი გახარიამ.
პრემიერის განცხადებით, მთავრობის მთავარი მიზანია – ქვეყანა კრიზისიდან გამოვიდეს ისე, რომ ადამიანების ჯანმრთელობას საფრთხე არ შეექმნას, ამავე დროს არ დაზიანდეს ეკონომიკა.
