საზოგადოებრივმა მაუწყებელმა გენერალური დირექტორის ვაკანტურ თანამდებობაზე კონკურსი გამოაცხადა
„ვინაიდან 31 ოქტომბერს არჩევნებია, ვინაიდან პროცედურულად ეს საკმაოდ ხანგრძლივი პროცედურაა და მინიმუმ თვე-ნახევარს მაინც მოიცავს, ამიტომ დღესვე გამოვაცხადეთ კონკურსი ამ ვაკანტურ თანამდებობაზე ახალი დირექტორის ასარჩევად. ბატონი ვასილის გადაწყვეტილებას მე გონივრულად ვაფასებ და ვფიქრობ, რომ ეს გადაწყვეტილება იყო, ყოველ შემთხვევაში, ჩემთვის მისაღები“, – განაცხადა ირინა ფუტკარაძემ.
ვასილ მაღლაფერიძემ საქართველოს საზოგადოებრივი მაუწყებლის გენერალური დირექტორის თანამდებობა საკუთარი განცხადების საფუძველზე დატოვა. საქართველოს საზოგადოებრივი მაუწყებლის გენერალური დირექტორის პოსტი მას 2017 წლის იანვრიდან ეკავა.
