ნინო სუხიშვილი: ხალხს მარტო იმიტომ არ ვუყვარვარ, რომ კარგად ვცეკვავ, ალბათ იმიტომაც, რომ...
„მე სამხატვრო აკადემია დავამთავრე და ჩემი პირველი სამსახური ანსამბლში მხატვარ-დიზაინერობა იყო, ბატონ სოლიკო ვირსალაძის ასისტენტი ვიყავი. ორი წელი ვიმუშავე მის გვერდით და ძალიან მეამაყება ეს ამბავი. რა სტატუსი აღარ მქონდა ანსამბლში: კოსტიუმერიც ვიყავი, ოფის-მენეჯერიც, ანსამბლის პიარიც... ყველა საფეხური გავიარე, პირდაპირ გენერალურ დირექტორად არ მოვსულვარ. როცა ცნობილი ოჯახის შვილი ხარ, ყოველთვის გაქვს იმის კომპლექსი, რომ არ იყო მათი ჩრდილის ქვეშ“; – ამბობს ნინო სუხიშვილი სატელევიზიო გადაცემაში.
ქორეოგრაფი ნინო სუხიშვილი ამბობს: „როცა ასეთ ოჯახში ხარ, ორჯერ მეტი გჭირდება იმისთვის, რომ საკუთარი თავი დაიმკვიდრო. სანამ პირველი შექება არ მივიღე, არ გავჩერდი“.
