ცომაია: საქართველოში არ არსებობს ზუსტი მონაცემი, რამდენ ადამიანს აქვს ფსიქიკური აშლილობა

„სხვადასხვა ფაქტორების გამო, სამწუხაროდ, უცნობია – რამდენს აქვს საქართველოში ფსიქიკური ჯანმრთელობის პრობლემები.  ჩვენთან არის მონაცემთა შეგროვების პრობლემა, რადგან არ არსებობს კვლევები. ყველაზე უფრო დიდი პრობლემა ის არის, რომ არსებობს სტიგმა. ფსიქიკურ პრობლემას ძალიან ხშირად მალავენ ადამიანები. ეს სტიგმა და ტაბუ ქმნის იმას, რომ არ მიდიან ექიმთან, ეშინიათ, ირგვლივ მყოფებმა „გიჟად“ არ შერაცხონ“, – ამბობს ცომაია.

სპეციალისტის განცხადებით, სწორედ ამ პრობლემების გამო საქართველოში არ არსებობს ზუსტი მონაცემები, თუ რამდენ ადამიანს აქვს ფსიქიკური აშლილობა.