ფსიქოლოგი ცირა ბარქაია: სექსუალური განვითარება არ იწყება გარდატეხის ასაკში
„განვმარტოთ, რა არის სექსუალური განვითარება, ან სექსუალობასთან დაკავშირებული განათლება, განვმარტოთ და საბოლოოდ ჩამოვყალიბდეთ მთელი საზოგადოება – ვეთანხმებით სექსუალურ განათლებას ამ ფორმით თუ არა. ყველა უნდა ვთანხმდებოდეთ, რას ნიშნავს სექსუალური განათლება და მერე ვიკამათოთ. სექსუალური განვითარება არ იწყება გარდატეხის, თინეიჯერობის ასაკში, ის იწყება დაბადებიდან“, – ამბობს ცირა ბარქაია.
ფსიქოლოგის თქმით, ადამიანი დაბადებიდან ვითარდება როგორც ფიზიკურად, ემოციურად, შემეცნებითად, ასევე სექსუალური თვალსაზრისით და ეს ყველა ასაკში რაღაც თავისებურებებს მოიცავს.
